Skip to main content

న గల్లీ తుమ్హారా.. న ఢిల్లీ తుమ్హారా..

ఇది మా ఇలాకా.. ఇక్కడెవరి పప్పులూ ఉడకవు.. ఉడకనివ్వం అనుకొని విర్రవీగుతుంటే.. ఆ పప్పులు ఉడకబెట్టే మనిషెవరో  ఎక్కడి నుంచో దిగి వస్తాడు. రాక తప్పదు. అలా రాకపోతేనే ప్రమాదం. గల్లీ పేరు జెప్పి ఢిల్లీని కొడతానంటే.. ఢిల్లీలో కూర్చున్నవాడు గల్లీలో వేలు పెట్టక తప్పదు. దాన్ని సమర్థించినవాడు దీన్ని కూడా సమర్థించాలి. లేదు.. నా ఇష్టం నాదే అంటే.. ఎవరిష్టం వారిదే అని కూడా అంగీకరించాల్సిందే. అలాంటప్పుడు బలమున్నవాడిదే బడితె... బర్రె కూడా. 

యూపీ ముఖ్యమంత్రి యోగి ఆదిత్యనాథ్ ముంబైలో పర్యటిస్తున్నారు. పర్యటించడమే కాదు.. బాలీవుడ్ ఇండస్ట్రీలో ఆయన వేలు కూడా పెట్టారు. దేశ ఆర్థిక రాజధాని అయిన ముంబైకి అంతటి ఆయువుపట్టు తెచ్చింది సినిమా ఇండస్ట్రీనే. సినిమా ఇండస్ట్రీని అడ్డం పెట్టుకొనే అక్కడి రాజకీయాలు అధ్వానంగా తయారయ్యాయి. ప్రాంతీయ ప్రయోజనాలు, ఆత్మగౌరవం కోసం ఆవిర్భవించిన శివసేన కూడా హిందుత్వ ఎజెండాతో పాదుకొని సినీ ఇండస్ట్రీని చెప్పుచేతల్లో పెట్టుకుంది. మొన్న కంగనా రనౌత్ ను ఇబ్బంది పెట్టినా, అంతకుముందు అర్నాబ్ గోస్వామిని వెంటాడినా ఆ బలుపు చూసుకునే అనేది అందరికీ తెలిసిందే. అంతేకాదు.. శివసేన మొన్నటి బిహార్ ఎన్నికల్లో కూడా ఎన్డీయేను దెబ్బ కొట్టేందుకు అక్కడ ఓ వారం రోజులపాటు ఠికానా వేసి శాయశక్తులా ప్రయత్నించి విఫలమైంది. అటువంటి బలుపును తగ్గించేందుకే మోడీ-షా కనుసన్నల్లో యూపీ సీఎం యోగి ఆదిత్యనాథ్ ముంబైలో కాలు మోపారు. పలువురు బాలీవుడ్ పెద్దలతో భేటీ అయి చర్చించారు. బాలీవుడ్ కి దీటుగా యూపీలో ఇండస్ట్రీ తయారయ్యేందుకు తాయిలాలు ప్రకటించారు. దాన్ని జీర్ణించుకోలేని కాంగ్రెస్ ఎంపీ సంజయ్ నిరుపమ్ యహా సే బాలీవుడ్ కో కోయీ నహీ లే జా సక్తా... అని అక్కసు వెళ్లగక్కాల్సి వచ్చింది. 

ఇక గ్రేటర్ హైదరాబాద్ ఎన్నికల ప్రచారంలో భాగంగా ఎంఐఎం-బీజేపీ మధ్య మాటల తూటాలు పేలుతున్నప్పుడు.. బండి సంజయ్ ని, తెలంగాణ పర్యటించబోతున్న ఉత్తరాది నాయకుల టూర్ ను దృష్టిలో పెట్టుకొని.. తెలంగాణ మంత్రి తలసాని శ్రీనివాస్ యాదవ్.. మా హైదరాబాద్ ల మీ లొల్లేందిర బై అని అనడాన్ని గుర్తు చేసుకోవాలి. హైదరాబాద్ లో పుట్టి పెరిగినంత మాత్రాన మేం ఏం చేసినా చల్తా హై అనే యాటిట్యూడ్ ను ఏ విధంగా సమర్థించుకుంటారు? హైదరాబాద్ మీదైతే మీరేం చేసినా ఓకేనా? మీకు అవగాహన ఉన్నవారితో చీకటి ఒప్పందాలు చేసుకొని రాజ్యమేలుతామంటే ప్రజలకు ఓకేనా? ఈ వైఖరే మంచిది కాదు. హైదరాబాద్ లో పాదుకొని ఉన్న సినీ ఇండస్ట్రీ ప్రముఖులు సర్కారు చెప్పినట్టు వింటారు.. మాదకద్రవ్యాల ఆరోపణల కేసును కూడా నీరుగార్చినా ఎవరేం మాట్లాడొద్దు.. వారు ఇక్కడే ఉండటానికి ఏమైనా చేస్తాం.. మేం చెప్పినట్టే వారు వింటారు.. వినాల్సిందే... అనే వైఖరి ఇక్కడ తెలంగాణ సర్కారులో కొట్టొచ్చినట్టు కనిపిస్తోంది. 


రామోజీరావు ఫిల్మ్ సిటీ కి ప్రత్యామ్నాయంగా రాచకొండ గుట్టల మీద సువిశాలమైన భూమిలో ప్రపంచం నివ్వెరపోయే ఫిల్మ్ సిటీ ఏర్పాటు చేస్తామని తెలంగాణ వచ్చిన కొత్తలో ముఖ్యమంత్రి కేసీఆర్ ఎంతో గర్వంగా ప్రకటించారు. అందరూ సంతోషించారు. చాలా మంది పేదలకు, తెలంగాణలో ఉన్న సినిమా ప్రియులకు మంచిరోజులు వచ్చాయని అంతా సంతోషించారు. కానీ అలాంటిదేదీ జరగలేదు. ఇక్కడివారు ఏపీకి వెళ్లలేదు. వెళ్లాలన్న ఆలోచన కూడా వారికి లేదు. ఇదే అదనుగా ఇక్కడే ఉన్న సినీ ప్రముఖులను ఎలా మేనేజ్ చేయాలో, వారితో ఎలా రాజకీయ ప్రయోజనాలు పొందాలో మాత్రం కేసీఆర్ చాలా వ్యూహాత్మకంగా పని చేసుకుపోతున్నారు. 

Also Read: గ్రేటర్ ఎన్నికలపై సర్వేలు ఏం చెప్తున్నాయి?

                    గీ పట్నపోల్లకు ఏమైంది?

అయితే ముంబైలో పాతుకుపోయిన బాలీవుడ్ కీ-పర్సన్స్ ఒకవేళ నిజంగా యూపీకి తరలిపోతే.. తెలంగాణలో పాతుకుపోయిన టాలీవుడ్ కీ-పర్సన్స్ కూడా ఎక్కడికీ పోరని, లేక ఇక్కడే ఉంటారన్న గ్యారెంటీ ఏంటి? ఉండాలన్న కన్సర్న్ ఏంటి? శివసేన-కాంగ్రెస్ అవగాహనతో ఏమైనా చేద్దాం అనుకొని పథకరచన చేసుకున్నాయి. ఇక్కడా అలాంటిదే జరిగింది... జరుగుతోంది. మహారాష్ట్రలో బీజేపీ ఆ ఇద్దరినీ డిస్టర్బ్ చేస్తోంది. ఇక్కడ కూడా అదే బీజేపీ ఈ ఇద్దరినీ డిస్టర్బ్ చేయడం చూస్తూనే ఉన్నాం. మరి.. సొంతమని తెగ ఇదైపోతూ ఫీలైపోతున్న సొంత ఇలాకాలోకి ఇతరులు రాకుండా అడ్డుకునేదెవరు? రమ్మని తలుపులు తెరవాల్సిందెవరు? ఎవరి పని వారు చేసుకుపోవడమే రాజకీయ క్రీడ. ఆట ఇప్పుడు అంతటా మొదలవుతోంది. బీ కేర్‍ఫుల్. 


Comments

Popular posts from this blog

తాటికొండ సుదర్శనం స్మారక చలివేంద్రం ప్రారంభం

కమాన్ పూర్, ఏఫ్రిల్ 12: పెద్దపల్లి జిల్లా కమాన్ పూర్ మండల కేంద్రంలో స్వర్గీయ తాటికొండ సుదర్శనంగారి స్మారక చలివేంద్రాన్ని ఏర్పాటు చేశారు. ఈ చలివేంద్రాన్ని స్థానిక ఛత్రపతి శివాజీ యువసేనవారు నిర్వహిస్తున్నారు. కమాన్ పూర్ లో గల స్టేట్ బ్యాంక్ ఆఫ్ హైదరాబాద్ మేనేజర్ బి.వెంకటేశ్వర్లు చేతులమీదుగా చలివేంద్రం ప్రారంభమైంది. వేసవిలో బ్యాంకు పని మీద వచ్చేవారితో పాటు.. మెయిన్ రోడ్డు గుండా వెళ్లే వందలాది మంది బాటసారులకు, వాహనదారులకు ఈ చలివేంద్రం ప్రతి వేసవిలోనూ ఎంతో ఉపయోగపడుతుందని.. దీన్ని సద్వినియోగం చేసుకోవాలని మేనేజర్ వెంకటేశ్వర్లు ప్రజలను కోరారు. ఈ చలివేంద్రంలో ప్రతి రోజూ మధ్యాహ్నం అంబలి పంపిణి చేస్తారని, ప్రజలు ఈ సౌకర్యాన్ని సద్వినియోగం చేసుకోవాలని నిర్వాహకులు తెలిపారు.  తాటికొండ సుదర్శనంగారు 2019, ఫిబ్రవరి 14న పరమపదించారు. ఆయన జ్ఞాపకార్థం వారి శ్రీమతి చంద్రకళ, కుమారులు రమేశ్ బాబు, నాగభూషణాచారి, వీరాచారి పూనుకొని ప్రతి వేసవిలోనూ ప్రజలకు చల్లని మంచినీళ్లు అందించాలన్న ఉద్దేశంతో ఫ్రిజ్ ను సమకూర్చారు. వారి కార్యక్రమానికి కొనసాగింపుగా గ్రామంలోని ఛత్రపతి శివాజీ యువసేనవారు చలివేంద్రం నిర్వహించేందుకు ము

రోమ్ నగరానికి శ్రీరామనవమి రోజే బొడ్రాయి వేశారా?

ఇటలీ రాజధాని రోమ్ నగరానికి శ్రీరామ నవమి రోజే శంకుస్థాపన చేశారా? ఇటలీ భాషలో రోమ్ అంటే రాముడనే అర్థమా? ఈజిప్టు, ఇటలీ, ఇజ్రాయెల్ వంటి నగరాల్లో రాముడి పేరు మీద పట్టణాలే కాదు.. దాాదపు మూడు వేల ఏళ్ల పూర్వమే రామాయణంలోని గాథల చిత్రాలు, కార్వింగ్స్, విగ్రహాలు ఎందుకున్నాయి? పురాణాల ప్రకారం విష్ణుమూర్తికి ఉండే అవతారాలు అన్నిటిలోకీ.. రామావతారానికే పాపులారిటీ దక్కింది. రాముడికి సంబంధించిన చెక్కడాలు, విగ్రహాలు, నగరాల పేర్లు, మనుషుల పేర్లు చాలా చోట్ల కనిపిస్తున్నాయి. అయితే చారిత్రకంగా కొన్ని ఆధునిక మతాలు వ్యాప్తిలోకి వచ్చాక.. ప్రాచీన సంప్రదాయాలను, సంస్కృతులను ధ్వంసం చేసే ప్రయత్నం కొన్ని వందల ఏళ్లుగా జరుగుతోంది. అయితే ఈ మతాలన్నీ దాదాపుగా 2వేల సంవత్సరాలకు సంబంధించినవే. కానీ భారతీయ సనాతన ధర్మం వేలు, లక్షల ఏళ్ల క్రితానికి చెందినది. కాబట్టి హిందూ ధర్మం ఆనవాళ్లు ప్రపంచంలో ఎక్కడ చూసినా కనిపిస్తాయంటే అతిశయోక్తి కాదంటున్నారు చారిత్రక పరిశోధకులు.  విష్ణు అవతారాల్లో ఒకటైన నరసింహావతారానికి చెందిన భారీ కార్వింగ్ జర్మనీలో కనిపించింది. అది 40 వేల ఏళ్ల క్రితం చెక్కారని ఆర్కియాలాజికల్ నిపుణులు ధ్రువీకరించారు. అది అచ్

సంస్థాగత ఎన్నికలకు సిద్ధమవుతున్న 'వేదాస్'

కుల సంఘంలో ఎన్నికలు నిర్వహించి ఓ సరికొత్త సంప్రదాయానికి తెరతీసిన 'వేదాస్' (విశ్వకర్మ ఎంప్లాయీస్ అండ్ డెవలప్మెంట్ అసోసియేషన్) తన సంస్థాగత ఎన్నిక కోసం సమాయత్తమవుతోంది. ఇప్పటివరకు ఉన్న తాత్కాలిక కమిటీని రద్దు చేసి ఇకపై పూర్తిస్థాయి కమిటీని ఎన్నుకొనేందుకు వేదాస్ కార్యవర్గం తీర్మానం చేసిందని, అందులో భాగంగా ఆదివారం హైదరాబాద్ ఓల్డ్ బోయినపల్లిలోని వీరబ్రహ్మేంద్రస్వామి ఆలయంలో రాష్ట్ర స్థాయి ముఖ్య నేతలు, క్రియాశీల సభ్యుల సమావేశం జరిగిందని వేదాస్ ముఖ్యనాయకులు వి.నరసింహాచారి తెలిపారు. వేదాస్ పూర్తి స్థాయి కమిటీ కోసం ప్రజాస్వామ్య బద్ధంగా ఎన్నికలు నిర్వహించుకోవాలనే సభ్యుల తీర్మానాన్ని ఏకగ్రీవంగా ఆమోదించామని ఆయన చెప్పారు. ఫిబ్రవరి నుంచి ఏప్రిల్ లోపు రాష్ట్రస్థాయి, జిల్లా, మండల స్థాయి ఎన్నికలు జరుపుకొని కొత్త బాడీని ఎన్నుకుంటామన్నారు. ఎన్నికల నిర్వహణ కోసం పాత ఉమ్మడి జిల్లాకు ఒకరు చొప్పున బాధ్యులను ఎంపిక చేశామని.. రాష్ట్ర స్థాయి బాధ్యతలను సచ్చిదానందాచారితో పాటు సంతోష్ కుమార్ ఆచారి నిర్వహిస్తారని నరసింహాచారి చెప్పారు.  తాజా తీర్మానంతో ఇప్పటివరకు ఉన్న తాత్కాలిక కమిటీ రద్దయిపోయిందని, ఎలాంటి బాధ్యత