Skip to main content

మధుయాష్కీ, పొన్నం టికెట్ల పరిస్థితి ఇదే

టీపీసీసీ చీఫ్ రేవంత్ రెడ్డి.. సీనియర్లను లైట్ తీసుకుంటున్నారా? చాలా మంది సీనియర్ల రాజకీయ భవిష్యత్ డైలమాలో పడినట్టేనా? మొదటి లిస్టులో సీనియర్ల పేర్లు కనిపించకపోవడానికి కారణం అదే అంటున్నారు విశ్లేషకులు. ఇక రెండో జాబితా సీట్లలో పోటీ విపరీతంగా ఉండడంతో టికెట్లు దక్కే సంభావ్యత అనుమానంలో పడిందన్న ఆందోళన సీనియర్ల నుంచి వ్యక్తమవుతోంది. 

టీ-కాంగ్రెస్ లో సీనియర్లంటే ఒకప్పుడు వారు చెప్పిందే వేదం. ఆ మాటకొస్తే.. ఎవరు రాసుకున్న వేదం వారిదే... అన్నట్టుగా ఉండేది పరిస్థితి. పార్టీ పగ్గాలన్నీ ఢిల్లీలోని హైకమాండ్ గుప్పిట్లో ఉండడంతో.. లోకల్ పీసీసీ చీఫ్ లు గానీ, పార్టీ ఇతర పోర్ట్ ఫోలియోల మాటలకు గానీ పెద్దగా చెల్లుబాటు అయ్యేది కాదు. ఢిల్లీలో వారు చెప్పిందే ఫైనల్ కాబట్టి.. ఇక్కడ వీరి మాటలకు పెద్దగా ప్రయారిటీ ఉండేది కాదు. అయితే పీసీసీ చీఫ్ గా రేవంత్ రెడ్డికి పగ్గాలు కట్టబెట్టాక క్రమంగా రీతి-రివాజు మారుతూ వచ్చింది. తొలుత రేవంత్ ను కూడా పాత పద్ధతుల్లోనే గూట్లో చెక్కేందుకు ప్రయత్నించారు. అయితే హైకమాండ్ ను ఒప్పించకొని, మెప్పించుకున్న రేవంత్.. రాష్ట్ర పార్టీ మీద క్రమంగా అదుపు సాధించారు. రేవంత్ కు రాహుల్ స్వేచ్ఛగా నిర్ణయాలు తీసుకునే అధికారం ఇవ్వడంతో.. క్రమంగా నాయకుల మీద కూడా రేవంత్ హోల్డ్ పెరిగిందంటున్నారు విశ్లేషకులు. వరంగల్ సభకు రాహుల్ వచ్చినప్పుడు.. సీనియర్లకు ఇండైరెక్టుగా ఘాటైన హెచ్చరికలు జారీ చేయడం అప్పట్లో తీవ్రమైన చర్చాంశంగానే మారింది. అయితే రాహుల్ అప్పుడు ఆ విధంగా కుండబద్దలు కొట్టడమే.. ఇప్పుడు పార్టీకి కలిసొస్తోందన్న అభిప్రాయాలు కలిగిస్తోంది. 

ఉండేవాళ్లు ఉండొచ్చు.. పోయేవాళ్లు పోవచ్చు. అంతే తప్ప.. పార్టీలో ఉన్నట్టు నటిస్తూ అవతలివారికి సహకరించేలాగా వ్యవహరిస్తే అలాంటివారిని ఉపేక్షించేది లేదని రాహుల్ చాలా తీవ్రంగా స్పందించడం అప్పట్లో పార్టీ సీనియర్లలో కలకలం రేపింది. దాంతో రేవంత్ మీద పలువురు సీనియర్లు ఇంతెత్తున ఎగిరిపడ్డారు. వరుసగా ఢిల్లీకి క్యూ కట్టారు. ఫిర్యాదుల మీద ఫిర్యాదులు చేసి వచ్చారు. ఫలితంగా కాంగ్రెస్ కండిషన్ తీవ్రంగా డ్యామేజ్ అయింది. అలాంటి స్టేజ్ నుంచి.. ఇప్పుడు అధికారం పక్కా అనే ఆత్మవిశ్వాసం తొణికిలాడుతోందంటున్నారు రాజకీయ పరిశీలకులు. ఈ మ్యాజిక్ అనేది సీనియర్ల తోకలను మూకుమ్మడిగా కత్తిరించడం వల్లే సాధ్యమైందన్న విశ్లేషణలు వినిపిస్తున్నాయి. అందువల్లే రేవంత్ పార్టీ మీద తన ముద్ర వేయగలిగారన్న అభిప్రాయాలు వ్యక్తమవుతున్నాయి. 

పార్టీ సీనియర్లలో రేవంత్ కు సహకరించినవారు కొందరైతే.. ఆయన మీద తిరుగుబాటు చేసినవారు మరికొందరు. తిరుగుబాటు చేసినవారినీ, చేయనివారినీ అని కాకుండా.. కేవలం గెలుపును మాత్రమే క్రైటీరియాగా తీసుకొని రేవంత్ టికెట్లు కన్ఫామ్ చేస్తున్నారని.. టికెట్లు దక్కించుకున్నవారి పేర్లను పరిశీలిస్తున్న రాజకీయ నిపుణులు అభిప్రాయపడుతున్నారు. అందువల్లే టికెట్లు దక్కనివారిలోనూ తనకు విధేయులు ఉన్నారన్న వ్యాఖ్యలు వినిపిస్తున్నాయి. మధుయాష్కీ, పొన్నం ప్రభాకర్ లాంటి సీనియర్లు, తెలంగాణ ఉద్యమంలో క్రియాశీలంగా పనిచేసిన మాజీ ఎంపీలు.. కొందరికి ఇప్పుడు టికెట్లు వస్తాయా రావా అన్న డైలమా నెలకొంది. తెలంగాణ సాధించుకున్నాక సురక్షితమైన స్థానాల మీద కూడా పలువురు నేతలు పట్టు కోల్పోయారు. అక్కడ పార్టీ కేడర్ కూడా క్రియాశూన్యంగా ఉండిపోయిందన్న అభిప్రాయాలు పార్టీ ఇన్ సైడర్స్ నుంచి వ్యక్తమవుతున్నాయి. ఈ క్రమంలో మధుయాష్కీ ఈసారి అసెంబ్లీకి వెళ్లాలని ముచ్చట పడుతున్నారు. కానీ నిజామాబాద్ లో ఇప్పుడు పరిస్థితులు మారిపోయాయి. తెలంగాణ ఉద్యమం నుంచి పసుపు బోర్డు, నిజాం షుగర్స్ వంటి అంశాల వైపు మళ్లుతున్నాయి. వరుసగా రెండు దఫాలు ప్రజాక్షేత్రంలో లేకపోవడంతో.. మధుయాష్కీ స్థానచలనం కాక తప్పడం లేదట. ఈ క్రమంలో ఆయన్ని ఎల్బీనగర్ కు మార్చాలన్న ప్రతిపాదనపై చర్చ నడుస్తోందట. మరి.. ఎల్బీనగర్ సీటు ఆశిస్తున్న స్థానిక నేతల పరిస్థితేంటి? 

ఇక పొన్నం ప్రభాకర్ పరిస్థితి కూడా అలాగే తయారైంది. కరీంనగర్ లో ఆయనకు కలిసొచ్చే పరిస్థితులు లేవట. దీంతో ఆయన రాజకీయ భవిష్యత్తును ఎలాగైనా కాపాడాలని ఆలోచిస్తున్న రేవంత్.. అక్కడికి సమీపంలోని మరో స్థానానికి మార్చాలన్న నిర్ణయానికి వచ్చారట. ఈ క్రమంలో కరీంనగర్ లో బీఆర్ఎస్ హవాకు చెక్ పెట్టేలా.. పార్టీకి కొత్త అయిన ఓ ముస్లింకు టికెట్ ఇవ్వాలని భావిస్తున్నారట రేవంత్. అసెంబ్లీలో ముస్లిం ప్రాతినిధ్యాని అవకాశం ఇవ్వాలన్న ఉద్దేశంతో ఆయన ఈ స్కెచ్ వేస్తున్నట్టు సమాచారం. అదే జరిగితే.. కరీంనగర్ అసెంబ్లీ బరిలో కాంగ్రెస్ నుంచి ఓ ముస్లిం వ్యక్తి పోటీ పడతాడంటున్నారు నిపుణులు. 

ఉమ్మడి మహబూబ్ నగర్ నుంచి చిన్నారెడ్డి వంటి సీనియర్ లీడర్ కు ఈసారి టికెట్ దక్కే అవకాశాలు దాదాపు క్లోజ్ అయ్యాయంటున్నారు. అటు వీహెచ్ లాంటి బీసీ పెద్ద లీడర్లకు ఈసారి రేవంత్ మొండిచేయి చూపడం ఖాయంగా భావిస్తున్నారు. హైకమాండ్ నుంచి తీసుకున్న అధికారాన్ని రేవంత్ చాలా క్రియాశీలంగా, గెలుపోటములే క్రైటీరియాగా టికెట్లు ఇవ్వాలనే నిర్ణయం కారణంగా హస్తం పార్టీకి హైప్ వచ్చిందంటున్నారు. దీంతో చాలా మంది సీనియర్ల రాజకీయ భవిష్యత్తుకు బ్రేకులు పడ్డాయంటున్నారు. వారి రాజకీయ జీవితం బహుశా ఇక్కడితో సమాప్తమైనా ఆశ్చర్యపోవాల్సిందేమీ లేదంటున్నారు పలువురు ఇన్ సైడర్స్. అయితే అవసరాన్ని బట్టి, అధికారంలోకి వస్తే అప్పటి పరిస్థితులను బట్టి సీనియర్ల సేవలు వినియోగించుకునే అవకాశాలు లేకపోలేదన్న ఫీలర్స్ పంపిస్తున్నారు రేవంత్. 

తెలంగాణలో కొద్ది నెలల క్రితం వరకు థర్డ్ ప్లేస్ లో ఉందనుకున్న కాంగ్రెస్ ఇప్పుడు ఎన్నికల రేసులో దూసుకుపోతోంది. ఈ క్రమంలో సీనియర్లను తప్పించడంలో సక్సెస్ అయిన రేవంత్.. రెండో జాబితా విడుదల చేసిన తరువాత కూడా ఇదే క్రమశిక్షణను మెయింటెయిన్ చేస్తారా? చేయిస్తారా? రెండో జాబితా తరువాత కూడా సీనియర్ల నుంచి రేవంత్ ఇదే తరహా మద్దతు పొందితే ఆ పార్టీకి అది పెద్ద ప్లస్ పాయింట్ అవుతుందంటున్నారు విశ్లేషకులు. మరోవైపు.. కాంగ్రెస్ లో సీనియర్లను సక్సెస్ ఫుల్ గా రేవంత్ తప్పిస్తుండగా.. బీజేపీలో సీనియర్లు కచ్చితంగా పోటీ చేయాలన్న కండిషన్ ఢిల్లీ హైకమాండ్ నుంచి రావడం ఆ పార్టీలో నెలకొన్న పరిణామాలను చూపుతోందంటున్నారు రాజకీయ పరిశీలకులు. ఇలా బీజేపీని వెనక్కి నెట్టి కాంగ్రెస్ సెకండ్ ప్లేస్ లోకి రావడంతో ఆ పార్టీ కేడర్లో కొత్త అంచనాలు వ్యక్తమవుతున్నాయి. 


Comments

Popular posts from this blog

తాటికొండ సుదర్శనం స్మారక చలివేంద్రం ప్రారంభం

కమాన్ పూర్, ఏఫ్రిల్ 12: పెద్దపల్లి జిల్లా కమాన్ పూర్ మండల కేంద్రంలో స్వర్గీయ తాటికొండ సుదర్శనంగారి స్మారక చలివేంద్రాన్ని ఏర్పాటు చేశారు. ఈ చలివేంద్రాన్ని స్థానిక ఛత్రపతి శివాజీ యువసేనవారు నిర్వహిస్తున్నారు. కమాన్ పూర్ లో గల స్టేట్ బ్యాంక్ ఆఫ్ హైదరాబాద్ మేనేజర్ బి.వెంకటేశ్వర్లు చేతులమీదుగా చలివేంద్రం ప్రారంభమైంది. వేసవిలో బ్యాంకు పని మీద వచ్చేవారితో పాటు.. మెయిన్ రోడ్డు గుండా వెళ్లే వందలాది మంది బాటసారులకు, వాహనదారులకు ఈ చలివేంద్రం ప్రతి వేసవిలోనూ ఎంతో ఉపయోగపడుతుందని.. దీన్ని సద్వినియోగం చేసుకోవాలని మేనేజర్ వెంకటేశ్వర్లు ప్రజలను కోరారు. ఈ చలివేంద్రంలో ప్రతి రోజూ మధ్యాహ్నం అంబలి పంపిణి చేస్తారని, ప్రజలు ఈ సౌకర్యాన్ని సద్వినియోగం చేసుకోవాలని నిర్వాహకులు తెలిపారు.  తాటికొండ సుదర్శనంగారు 2019, ఫిబ్రవరి 14న పరమపదించారు. ఆయన జ్ఞాపకార్థం వారి శ్రీమతి చంద్రకళ, కుమారులు రమేశ్ బాబు, నాగభూషణాచారి, వీరాచారి పూనుకొని ప్రతి వేసవిలోనూ ప్రజలకు చల్లని మంచినీళ్లు అందించాలన్న ఉద్దేశంతో ఫ్రిజ్ ను సమకూర్చారు. వారి కార్యక్రమానికి కొనసాగింపుగా గ్రామంలోని ఛత్రపతి శివాజీ యువసేనవారు చలివేంద్రం నిర్వహించేందుకు ము

రోమ్ నగరానికి శ్రీరామనవమి రోజే బొడ్రాయి వేశారా?

ఇటలీ రాజధాని రోమ్ నగరానికి శ్రీరామ నవమి రోజే శంకుస్థాపన చేశారా? ఇటలీ భాషలో రోమ్ అంటే రాముడనే అర్థమా? ఈజిప్టు, ఇటలీ, ఇజ్రాయెల్ వంటి నగరాల్లో రాముడి పేరు మీద పట్టణాలే కాదు.. దాాదపు మూడు వేల ఏళ్ల పూర్వమే రామాయణంలోని గాథల చిత్రాలు, కార్వింగ్స్, విగ్రహాలు ఎందుకున్నాయి? పురాణాల ప్రకారం విష్ణుమూర్తికి ఉండే అవతారాలు అన్నిటిలోకీ.. రామావతారానికే పాపులారిటీ దక్కింది. రాముడికి సంబంధించిన చెక్కడాలు, విగ్రహాలు, నగరాల పేర్లు, మనుషుల పేర్లు చాలా చోట్ల కనిపిస్తున్నాయి. అయితే చారిత్రకంగా కొన్ని ఆధునిక మతాలు వ్యాప్తిలోకి వచ్చాక.. ప్రాచీన సంప్రదాయాలను, సంస్కృతులను ధ్వంసం చేసే ప్రయత్నం కొన్ని వందల ఏళ్లుగా జరుగుతోంది. అయితే ఈ మతాలన్నీ దాదాపుగా 2వేల సంవత్సరాలకు సంబంధించినవే. కానీ భారతీయ సనాతన ధర్మం వేలు, లక్షల ఏళ్ల క్రితానికి చెందినది. కాబట్టి హిందూ ధర్మం ఆనవాళ్లు ప్రపంచంలో ఎక్కడ చూసినా కనిపిస్తాయంటే అతిశయోక్తి కాదంటున్నారు చారిత్రక పరిశోధకులు.  విష్ణు అవతారాల్లో ఒకటైన నరసింహావతారానికి చెందిన భారీ కార్వింగ్ జర్మనీలో కనిపించింది. అది 40 వేల ఏళ్ల క్రితం చెక్కారని ఆర్కియాలాజికల్ నిపుణులు ధ్రువీకరించారు. అది అచ్

సంస్థాగత ఎన్నికలకు సిద్ధమవుతున్న 'వేదాస్'

కుల సంఘంలో ఎన్నికలు నిర్వహించి ఓ సరికొత్త సంప్రదాయానికి తెరతీసిన 'వేదాస్' (విశ్వకర్మ ఎంప్లాయీస్ అండ్ డెవలప్మెంట్ అసోసియేషన్) తన సంస్థాగత ఎన్నిక కోసం సమాయత్తమవుతోంది. ఇప్పటివరకు ఉన్న తాత్కాలిక కమిటీని రద్దు చేసి ఇకపై పూర్తిస్థాయి కమిటీని ఎన్నుకొనేందుకు వేదాస్ కార్యవర్గం తీర్మానం చేసిందని, అందులో భాగంగా ఆదివారం హైదరాబాద్ ఓల్డ్ బోయినపల్లిలోని వీరబ్రహ్మేంద్రస్వామి ఆలయంలో రాష్ట్ర స్థాయి ముఖ్య నేతలు, క్రియాశీల సభ్యుల సమావేశం జరిగిందని వేదాస్ ముఖ్యనాయకులు వి.నరసింహాచారి తెలిపారు. వేదాస్ పూర్తి స్థాయి కమిటీ కోసం ప్రజాస్వామ్య బద్ధంగా ఎన్నికలు నిర్వహించుకోవాలనే సభ్యుల తీర్మానాన్ని ఏకగ్రీవంగా ఆమోదించామని ఆయన చెప్పారు. ఫిబ్రవరి నుంచి ఏప్రిల్ లోపు రాష్ట్రస్థాయి, జిల్లా, మండల స్థాయి ఎన్నికలు జరుపుకొని కొత్త బాడీని ఎన్నుకుంటామన్నారు. ఎన్నికల నిర్వహణ కోసం పాత ఉమ్మడి జిల్లాకు ఒకరు చొప్పున బాధ్యులను ఎంపిక చేశామని.. రాష్ట్ర స్థాయి బాధ్యతలను సచ్చిదానందాచారితో పాటు సంతోష్ కుమార్ ఆచారి నిర్వహిస్తారని నరసింహాచారి చెప్పారు.  తాజా తీర్మానంతో ఇప్పటివరకు ఉన్న తాత్కాలిక కమిటీ రద్దయిపోయిందని, ఎలాంటి బాధ్యత