Skip to main content

బలపరీక్ష జరిగితే అంతా తారుమారే

దాదాపు వారం రోజులుగా సంక్షోభంలో కొట్టుమిట్టాడుతున్న  మహా రాజకీయంలో ఇవాళ చాలా కీలకమైన ట్విస్ట్ చోటు చేసుకుంది. గౌహతిలో క్యాంపు నిర్వహిస్తున్న రెబల్ ఎమ్మెల్యేలపై అనర్హత వేటు వేయాలనుకున్న శివసేనకు సుప్రీంకోర్టు నుంచి భంగపాటు ఎదురైంది. రెబల్ ఎమ్మెల్యేలంతా ఇవాళ సాయంత్రం ముంబైకి రావాలని, వారిపై చర్యలు ఎందుకు తీసుకోరాదో చెప్పాలంటూ.. డిప్యూటీ స్పీకర్ నరహరి జిర్వాల్ నోటీసులు పంపారు. మరోవైపు శాసనసభా పక్ష నేతగా ఉన్న రెబల్ ఎమ్మెల్యే ఏక్‎నాథ్ షిండే స్థానంలో అజయ్ చౌదరిని నియమిస్తూ డిప్యూటీ స్పీకర్ తీసుకున్న నిర్ణయాన్ని ప్రశ్నిస్తూ షిండే సుప్రీంకోర్టులో పిటిషన్ వేశారు. ఈ క్రమంలో కోర్టులో పిటిషన్ ఎదుర్కొంటున్న డిప్యూటీ స్పీకర్‎కు అనర్హత వేటు వేసే అధికారం లేదంటూ.. దానిపై వివరణ ఇవ్వడానికి జులై 11 వరకు సుప్రీంకోర్టు గడువు విధించింది. దీంతో రెబల్ ఎమ్మెల్యేలపై తక్షణమే వేటు పడకుండా ఊరట లభించినట్లయింది. మరోవైపు మహారాష్ట్ర ప్రభుత్వానికి, శివసేన శాసనసభాపక్ష నేతకు, చీఫ్‌ విప్‌కు, కేంద్రానికి సుప్రీంకోర్టు నోటీసులు జారీ చేసింది. వారందరూ తన నోటీసులకు 5 రోజుల్లోగా వివరణ ఇవ్వాలని కోర్టు ఆదేశించింది. మరోవైపు రెబల్ ఎమ్మెల్యేలు అందరికీ, వారి ఆస్తులకు కూడా భద్రత కల్పించాలని కోర్టు ఆదేశించింది. 

సుప్రీంకోర్టు ఏకకాలంలో రెండు పిటిషన్లపై విచారణ మొదలుపెట్టింది. పార్టీ నిర్ణయం మేరకు 16 మంది రెబల్స్ పై అనర్హత వేటు వేసేలా డిప్యూటీ స్పీకర్ నోటీసులపై దాఖలైన పిటిషన్ ఒకటైతే.. శాసనసభా పక్ష నేతగా తన స్థానంలో అజయ్ చౌదరిని నియమించడాన్ని షిండే చాలెంజ్ చేసిన పిటిషన్ మరోటి. విచారణ మొదలు పెట్టిన సుప్రీంకోర్టు.. డిప్యూటీ స్పీకర్ జారీ చేసిన నోటీసులపై తదుపరి విచారణ జరిగేవరకు స్టే విధించింది. దీంతో రెబల్ ఎమ్మెల్యేలకు అత్యంత కీలకమైన సమయం చిక్కినట్లయింది. దీంతో రెబల్ ఎమ్మెల్యేలు క్రాకర్స్ కాలుస్తూ ఆనందం వ్యక్తం చేశారు. ఫలితంగా మహా అసెంబ్లీలో బలపరీక్ష నిరూపించుకోవాలని షిండే టీమ్ కోరే అవకాశం ఏర్పడింది. ఇది బాలాసాహెబ్ కోరుకున్న హిందుత్వ విజయంగా షిండే ట్వీట్ చేశారు. శివసైనికులందరూ దీన్ని అర్థం చేసుకోవాలని విజ్ఞప్తి చేశారు. అటు దేవేంద్ర ఫడ్నవీస్ ఆధ్వర్యంలో బీజేపీ కీలక నేతలు, పలువురు ఎమ్మెల్యేలు భేటీ అయ్యారు. తదుపరి కదలికపై మంతనాలు జరిపారు. ఉద్ధవ్ తో దోస్తీని పునరుద్ధరించుకునే ప్రసక్తే లేదని బీజేపీ వర్గాలు క్లారిటీ ఇస్తుండడంతో... ఇక బలపరీక్షే తరువాయి అన్న వ్యాఖ్యానాలు వినిపిస్తున్నాయి. 

మరోవైపు ముఖ్యమంత్రి ఉద్ధవ్ థాకరే.. రెబల్ గ్రూపులో ఉన్న మంత్రులందరి పోర్ట్‎ఫోలియోలను లాగేసుకున్నారు. పరిపాలన కుంటుపడకుండా ఉండేందుకు.. ఐదుగురు మంత్రులు, మరో నలుగురు సహాయ మంత్రుల శాఖలను తన కుమారుడైన ఆదిత్య థాకరేకు కొన్నింటిని కట్టబెట్టి.. మిగతావాటిని కూడా అడ్జస్ట్ చేశారు. 

ఇక ఉద్ధవ్ శిబిరంలో కీలకంగా వ్యవహరిస్తున్న ఎంపీ సంజయ్ రౌత్ కు ఎన్‎పోర్స్‎మెంట్ డైరెక్టరేట్ నోటీసులు జారీ చేసింది. ఒక వెయ్యి 34 కోట్ల ల్యాండ్ స్కామ్‎లో జవాబు చెప్పాలని, రేపు ఈడీ కార్యాలయంలో హాజరు కావాలని ఈడీ నోటీసులు ఇచ్చింది. అయితే తాను ఈడీ నోటీసులకు రెస్పాండ్ కానని, ముందుగా నిర్ణయించుకున్న ప్రకారం అలీబాగ్‎లో జరిగే ర్యాలీలో పాల్గొనాల్సి ఉందని సంజయ్ రౌత్ చెప్పారు. ఈడీ నోటీసుల్లో కుట్ర దాగి ఉందన్నారు. ఈ ధర్మ పోరాటంలో బీజేపీ మీద పోరాడతానని, అరెస్టు చేస్తారా.. చూస్తానని సవాల్ విసిరారు. 

Comments

Popular posts from this blog

కొత్త పన్నులు రాబోతున్నాయి

వివిధ వస్తువులపై కేంద్ర, రాష్ట్ర ప్రభుత్వాలు వసూలు చేసే పన్నుల్లో భారీ మార్పులు చోటు చేసుకోబోతున్నాయా? ప్రతి నిత్యం వాడే వస్తువులపై పన్నులు పెరగక తప్పదా? ఇప్పటికే పెరిగిన ధరలతో సామాన్యుడు అల్లాడుతుంటే మళ్లీ కొత్త పన్నులతో బాదడం దేనికి.. అన్న అనుమానం కలుగుతుంది కదా?  మొన్ననే కేంద్ర ప్రభుత్వ బడ్జెట్ చూశాం. ఇక్కడ కేసీఆర్, అక్కడ జగన్ సర్కార్ల బడ్జెట్లు కూడా చూశాం. ఎవరూ పన్నుల జోలికి పోలేదు. దీంతో ప్రజలందరూ ఎంతోకొంత రిలీఫ్ ఫీలయ్యారు. ప్రభుత్వాలు పన్నుల జోలికి పోలేదు.. బతుకు జీవుడా అనుకున్నారు. అయితే ఆ ఆనందం ఎంతో కాలం నిలిచే అవకాశం కనిపించడం లేదు. ఎందుకంటే ఆదాయం తగ్గిపోయి అల్లాడుతూ అప్పులతో నెట్టుకొస్తున్న రాష్ట్రాలు కొత్త ఆదాయ మార్గాల కోసం అన్వేషిస్తున్నాయి. వచ్చే నెలలో జరగబోయే జీఎస్టీ కౌన్సిల్ సమావేశంలో కొత్త పన్నుల ప్రతిపాదనలు తెరమీదికు రాబోతున్నాయి.  మోడీ సర్కారు అధికారంలోకి వచ్చాక 2017 నుంచి గూడ్స్ అండ్ సర్విసెస్ ట్యాక్స్.. జీఎస్టీ ని అమల్లోకి తీసుకొచ్చింది. దాని ప్రకారం దేశమంతా ఒక వస్తువుకు ఒకే రకమైన పన్ను విధానం అమల్లోకి వచ్చింది. అయితే ఇందులో ఆయా రాష్ట్ర ప్రభుత్వాలకు నష్టం వాటిల్లుతో

శ్రీశైల క్షేత్రంలో ఫొటోలు తీయబడును

ఎంతో చారిత్రక వైభవం, ఆధ్యాత్మిక శోభ వెల్లివిరిసే శ్రీశైల క్షేత్రాన్ని దర్శించుకోవడానికి ప్రతి భక్తుడే గాక ప్రతి భారతీయుడు కూడా ఆసక్తి చూపుతాడంటే అతిశయోక్తి కాదు. అందుకే శ్రీశైల  మహా క్షేత్రానికి భక్తుల తాకిడి విపరీతంగా ఉంటుంది. ఆధ్యాత్మిక యాత్రలకే గాక అద్భుతమైన టూరిస్టు ప్రాంతంగా ఉండడంతో ఎప్పుడూ రద్దీగా ఉంటుంది. ఇక మహాశివరాత్రి లాంటి పర్వదినాల్లో అయితే శ్రీశైలానికి ఉండే తాకిడి మామూలుగా ఉండదు. అయితే అన్ని ప్రముఖ హిందూ దేవాలయాల్లో ఉన్నట్టుగానే శ్రీశైలంలో కూడా ఫొటోలు, వీడియోలు తీయరాదనే  నిబంధన  ఉంది. ఎవరైనా కెమెరాలతో, సెల్ ఫోన్లతో లోనికి ప్రవేశించడానికి వీల్లేదు. అలా చేస్తే వాటిని ఆలయ సిబ్బంది జప్తు కూడా చేస్తారు. భద్రతా కారణాల రీత్యా కూడా శ్రీశైలం విషయంలో ఉన్నతాధికారులు జాగ్రత్తలు తీసుకుంటారు. అయితే నిబంధనలు మాత్రం పేరుకే స్ట్రిక్టుగా ఉన్నాయి గానీ.. ఆచరణలో మాత్రం అంతా డొల్లేనంటున్నారు భక్తులు.  ఎందుకంటే శ్రైశైలంలో దలారీ ఆనంద్ ను సంప్రదిస్తే ఎవరైనా, ఎక్కడైనా ఫొటో తీసుకోవచ్చు. అడిగినంత మొత్తం చెల్లిస్తే అమ్మవారి సన్నిధిలోనైనా, అయ్యవారి సన్నిధిలోనైనా.. ఎక్కడైనా సరే క్యాష్ పడేస్తే ఫొటో క్లిక

వేయి పున్నముల వేదాధ్యాయి పెదపాటి

మహా మహోపాధ్యాయ, బహుభాషావేత్త, వేద వేదాంగవేత్త, రాష్ట్రపతి సన్మాన విభూషిత, శతాధిక గ్రంథకర్త, ప్రాచీన వాఙ్మయ వ్యాఖ్యత పెదపాటి నాగేశ్వరరావు సహస్ర పూర్ణ చంద్ర దర్శన మహోత్సవం చూడముచ్చటగా ముగిసింది. హైదరాబాద్ లో రెండు రోజుల పాటు జరిగిన పెదపాటి వేయి పున్నముల దర్శన మహోత్సవానికి తెలంగాణ మాజీ స్పీకర్, ఎమ్మెల్సీ మధుసూదనాచారి ముఖ్యఅతిథిగా హాజరయ్యారు. చివరి రోజు ఘట్టం చిక్కడపల్లిలోని త్యాగరాయ గానసభలో సంప్రదాయబద్ధంగా జరిగింది. 1941లో గుంటూరు జిల్లాలో జన్మించిన పెదపాటి.. ఆనాడు ఉన్న అనేక వ్యతిరేక పరిస్థితులను ఎదురీది.. భాషలో, వేదాధ్యయనంలో, శిల్పశాస్త్రంలో ఎంతో కృషి చేశారని మధుసూూదనచారి కొనియాడారు. ఈనాటి యువకులను చదివించడానికి, అన్ని అవసరాలూ సమకూర్చడానికి తల్లిదండ్రులు సిద్ధంగా ఉన్నా పిల్లలు మాత్రం ఓ లక్ష్యం అంటూ లేకుండా ఉన్నారని ఆవేదన చెందారు. అందుకు భిన్నంగా పెదపాటి నాగేశ్వరరావు.. అననుకూల పరిస్థితులను అధిగమించి మహా పండితుడై కేవలం విశ్వబ్రాహ్మణ కులస్తులు మాత్రమే గాక యావత్ తెలుగుజాతి గర్వించే స్థాయికి ఎదిగారన్నారు.  అలాంటి మహా పండితుడికి తగిన గుర్తింపు రాకపోవడం కాస్త చింతించాల్సిన విషయమేనని, అందుకు ఎవర