Skip to main content

వీకెండ్ స్టోరీ: హండ్రెడ్ పర్సెంట్ హరామ్


ఈ మధ్య కొద్ది నెలలుగా టెండర్ కట్స్ పేరుతో ఓ భారీ వ్యాపార ప్రకటన ఖరీదైన ఇంగ్లిష్ పేపర్లో, ఫ్రంట్ పేజ్‍లో దర్శనమిస్తోంది. త్వరలో హైదరాబాద్ లో మటన్, చికెన్, ఎగ్స్, ఫిష్, ప్రాన్స్.. ఇలా మాంసాహార ఉత్పత్తులు మీరు కోరుకున్న చోటికి డోర్ డెలివరీ అంటూ ఊదరగొడుతోంది. ఇప్పుడైతే హైదరాబాద్ లోని 11 సెంటర్లలో టెండర్ కట్స్ దుకాణాలు రెడీ అయ్యాయని కూడా తాజాగా మరో ప్రకటన వెలువడింది. అది వ్యాపార ప్రకటన కాబట్టి అందులో ప్రత్యేకంగా చెప్పుకోవాల్సిందేం లేదు. ఈ యాడ్ లో చక్కగా బొట్టు పెట్టుకున్న ఈ హిందూ మహిళ చేత ఎంతో గర్వంగా పోజిప్పించి టెండర్ కట్స్ మాంసానికి బ్రాండ్ అంబాసిడర్ లెవెల్లో ప్రొజెక్ట్ చేశారు. ఇక ఎడమవైపు పైన 100 PER CENT HALAL అంటూ స్టార్ గుర్తులో హైలైట్ చేయడమే ఈ నాలుగు మాటలు మాట్లాడుకోవడానికి దారితీస్తోంది. 

హలాల్ అనేది ముస్లింల విశ్వాసాల ప్రకారం దేవునికి సమర్పించుకునే నైవేద్యం. ముస్లిమేతరులు ముస్లిమేతర పద్ధతుల్లో సమర్పించుకునే నైవేద్యాన్ని సంప్రదాయ ముస్లింలు ఎవరూ ముట్టుకోరు. మహమ్మద్ ప్రవక్త చెప్పినట్టుగా చెబుతున్న షరియా సూత్రాలను ఇండియన్ ముస్లింలు పెద్దసంఖ్యలో తు.చ. తప్పకుండా పాటిస్తున్నారు. బయటి దేశాల్లో దీనిమీద పెద్ద పట్టింపులేవీ లేవని గమనించాలి. హలాల్ పద్ధతిని ఎత్తేసిన యూరోపియన్ దేశాలు కూడా ఉన్నాయి. ఇక ముస్లిమేతరుల్లో సిక్కులు ఝట్కా పద్ధతి మాంసాన్నే వినియోగిస్తారు. ఇతర పద్ధతిని వీరు ఏమాత్రం అంగీకరించరు. ఝట్కా అంటే ఒక్క వేటుతో జంతువు మెడ నరకడం. హలాల్ అంటే మెడను సగం కోయడం. ఝట్కాలో ఉన్న మరణానికి, హలాల్ లో ఉన్న మరణానికి చాలా తేడా ఉంటుందని ఇప్పటికే జంతుప్రేమికులు చాలా సందర్భాల్లో అభ్యంతరాలు వ్యక్తం చేసి ఉన్నారు. ఆహారంగా వినియోగించుకునే జంతువును బాధ తెలియకుండా చంపడం కొద్దిగా మెరుగైన పద్ధతిగా చాలా మంది భావిస్తున్నారు. హలాల్ చేసిన తరువాత ప్రాణం పోయేదాకా ఆ జంతువు పడే బాధ వర్ణనాతీతంగా ఉంటుందని వేరే చెప్పాల్సిన పన్లేదు. ఇక హిందువులు చాలా ఫ్లెక్సిబుల్. వారు కొంటున్న మాంసం హలాలా.. ఝట్కానా.. అనేది వారు పెద్దగా పట్టించుకోరు. బోనాలు, ఎల్లమ్మ, పోచమ్మ కొలుపులు, ఇతర దేవతలకు జంతు బలులు ఇచ్చేటప్పుడు జంతువు మెడ పూర్తిగా కోసి నైవేద్యంగా సమర్పించుకోవడం ఆచారం. దాన్ని తప్పకుండా పాటిస్తారు. ఇది కాకుండా రోజువారీ మాంసాహార వినియోగంలో హలాల్, ఝట్కా సంప్రదాయాల జోలికి వారు వెళ్లడం లేదు. ఇది ఒక కోణమైతే.. హండ్రెడ్ పర్సెంట్ హలాల్ పేరుతో హిందూ మహిళను చూపించి వ్యాపార ప్రకటన ఇచ్చుకోవడం మోసం కాదా అనేదే పాయింటు. ముస్లింలకే పరిమితమైన హలాల్ ను ముస్లిమేతరులు అందరి మీదా రుద్దడం కాదా? సాధారణ హిందూ గృహిణి బొమ్మను పెద్దగా చూపించి, హండ్రెడ్ పర్సెంట్ హలాల్ ను చిన్నగా చూపించి ప్రజలందరినీ మభ్యపెట్టడం కాదా? 

మన దేశం నుంచి మాంసాహారం పెద్దఎత్తున విదేశాలకు ఎగుమతి అవుతోంది. ఇప్పటివరకూ APEDA (అగ్రికల్చరల్ అండ్ ప్రాసెస్డ్ ఫుడ్ ప్రోడక్ట్స్ ఎక్స్ పోర్ట్స్ డెవలప్ మెంట్ అథారిటీ) ఆహార ఉత్పత్తుల ఎగుమతి చట్టం ప్రకారం మాంసాహారం హలాల్ పద్ధతిలోనే ఎగుమతి అయ్యేది. అయితే దీనిపై పలు సిక్కు సంఘాలు, హిందూ సంఘాలు, ఎన్జీవోలు, కొన్ని క్రిస్టియన్ సంస్థలు కూడా చాలా కాలంగా ఆందోళన వ్యక్తం చేస్తూ వచ్చాయి. విదేశాలకు మాంసం ఎగుమతి చేయాలంటే తప్పనిసరిగా హలాల్ చేయాల్సి వచ్చేది. దీంతో మాంసం ఎగుమతి అంతా కేవలం ముస్లింల చేతుల్లోకి వెళ్లిపోయింది. గత జనవరిలో కేంద్రం అపెడా చట్టాన్ని సవరించడం ద్వారా హలాల్ అనే పదాన్ని తొలగించారు. దీంతో మాంసం ఎగుమతిలోకి భారతీయులంతా వచ్చినట్లయింది. హలాల్ సర్టిఫికేషన్ తో ప్రభుత్వానికేం సంబంధం లేదని, అది మాంసం ఆర్డర్ చేసే దేశాలకు సంబంధించిన వ్యవహారమని చట్టం తేల్చి చెప్పింది. దీంతో షరియా మార్గదర్శకాలు అనుసరించి జారీ చేసే హలాల్ ఇండియా సర్టిఫికెట్ కు విలువ లేకుండాపోయింది. అయినా అదే సర్టిఫికెట్ ఆధారంగా చెన్నైకి చెందిన టెండర్ కట్స్ అనే సంస్థ మత విశ్వాసాలను, చట్ట సవరణను పట్టించుకోకుండా హండ్రెడ్ పర్సెంట్ హలాల్ అంటూ ప్రజల్ని తప్పుదారి పట్టిస్తుండడం గమనార్హం. 

సెక్యులరిజానికి పెద్దపీట వేసే భారత్ లో ఒక వర్గంవారికి మాత్రమే వ్యాపారాన్ని ధారాదత్తం చేసే చట్టాలు సవరించాలన్న డిమాండ్ గత ఎన్నో ఏళ్లుగా జరుగుతున్న ఫలితంగా ఇటీవల కేంద్రం అపెడా చట్టాన్ని సవరించింది. అయినా ఆ చట్టం స్ఫూర్తిని తుంగలో తొక్కి... హలాల్ అనే ప్రత్యేక విశ్వాసాన్ని జనమందరికీ రుద్దడం హరామ్ కాదా? హలాల్ పేరుతో హరామ్ చేయొచ్చా? ఇప్పటికే పలు వ్యాపార ప్రకటనలు తమ సెంటిమెంట్లు గాయపరిచాయన్న ఆందోళనలతో క్షమాపణ చెప్పిన సందర్భాలు కోకొల్లలు. ఆ ఉదాహరణలేవీ పరిగణనలోకి తీసుకోకుండా టెండర్ కట్స్ ఇంత సున్నితంగా హలాల్ చేయడం హర్షణీయమేనా?


Comments

Popular posts from this blog

కొత్త పన్నులు రాబోతున్నాయి

వివిధ వస్తువులపై కేంద్ర, రాష్ట్ర ప్రభుత్వాలు వసూలు చేసే పన్నుల్లో భారీ మార్పులు చోటు చేసుకోబోతున్నాయా? ప్రతి నిత్యం వాడే వస్తువులపై పన్నులు పెరగక తప్పదా? ఇప్పటికే పెరిగిన ధరలతో సామాన్యుడు అల్లాడుతుంటే మళ్లీ కొత్త పన్నులతో బాదడం దేనికి.. అన్న అనుమానం కలుగుతుంది కదా?  మొన్ననే కేంద్ర ప్రభుత్వ బడ్జెట్ చూశాం. ఇక్కడ కేసీఆర్, అక్కడ జగన్ సర్కార్ల బడ్జెట్లు కూడా చూశాం. ఎవరూ పన్నుల జోలికి పోలేదు. దీంతో ప్రజలందరూ ఎంతోకొంత రిలీఫ్ ఫీలయ్యారు. ప్రభుత్వాలు పన్నుల జోలికి పోలేదు.. బతుకు జీవుడా అనుకున్నారు. అయితే ఆ ఆనందం ఎంతో కాలం నిలిచే అవకాశం కనిపించడం లేదు. ఎందుకంటే ఆదాయం తగ్గిపోయి అల్లాడుతూ అప్పులతో నెట్టుకొస్తున్న రాష్ట్రాలు కొత్త ఆదాయ మార్గాల కోసం అన్వేషిస్తున్నాయి. వచ్చే నెలలో జరగబోయే జీఎస్టీ కౌన్సిల్ సమావేశంలో కొత్త పన్నుల ప్రతిపాదనలు తెరమీదికు రాబోతున్నాయి.  మోడీ సర్కారు అధికారంలోకి వచ్చాక 2017 నుంచి గూడ్స్ అండ్ సర్విసెస్ ట్యాక్స్.. జీఎస్టీ ని అమల్లోకి తీసుకొచ్చింది. దాని ప్రకారం దేశమంతా ఒక వస్తువుకు ఒకే రకమైన పన్ను విధానం అమల్లోకి వచ్చింది. అయితే ఇందులో ఆయా రాష్ట్ర ప్రభుత్వాలకు నష్టం వాటిల్లుతో

శ్రీశైల క్షేత్రంలో ఫొటోలు తీయబడును

ఎంతో చారిత్రక వైభవం, ఆధ్యాత్మిక శోభ వెల్లివిరిసే శ్రీశైల క్షేత్రాన్ని దర్శించుకోవడానికి ప్రతి భక్తుడే గాక ప్రతి భారతీయుడు కూడా ఆసక్తి చూపుతాడంటే అతిశయోక్తి కాదు. అందుకే శ్రీశైల  మహా క్షేత్రానికి భక్తుల తాకిడి విపరీతంగా ఉంటుంది. ఆధ్యాత్మిక యాత్రలకే గాక అద్భుతమైన టూరిస్టు ప్రాంతంగా ఉండడంతో ఎప్పుడూ రద్దీగా ఉంటుంది. ఇక మహాశివరాత్రి లాంటి పర్వదినాల్లో అయితే శ్రీశైలానికి ఉండే తాకిడి మామూలుగా ఉండదు. అయితే అన్ని ప్రముఖ హిందూ దేవాలయాల్లో ఉన్నట్టుగానే శ్రీశైలంలో కూడా ఫొటోలు, వీడియోలు తీయరాదనే  నిబంధన  ఉంది. ఎవరైనా కెమెరాలతో, సెల్ ఫోన్లతో లోనికి ప్రవేశించడానికి వీల్లేదు. అలా చేస్తే వాటిని ఆలయ సిబ్బంది జప్తు కూడా చేస్తారు. భద్రతా కారణాల రీత్యా కూడా శ్రీశైలం విషయంలో ఉన్నతాధికారులు జాగ్రత్తలు తీసుకుంటారు. అయితే నిబంధనలు మాత్రం పేరుకే స్ట్రిక్టుగా ఉన్నాయి గానీ.. ఆచరణలో మాత్రం అంతా డొల్లేనంటున్నారు భక్తులు.  ఎందుకంటే శ్రైశైలంలో దలారీ ఆనంద్ ను సంప్రదిస్తే ఎవరైనా, ఎక్కడైనా ఫొటో తీసుకోవచ్చు. అడిగినంత మొత్తం చెల్లిస్తే అమ్మవారి సన్నిధిలోనైనా, అయ్యవారి సన్నిధిలోనైనా.. ఎక్కడైనా సరే క్యాష్ పడేస్తే ఫొటో క్లిక

వేయి పున్నముల వేదాధ్యాయి పెదపాటి

మహా మహోపాధ్యాయ, బహుభాషావేత్త, వేద వేదాంగవేత్త, రాష్ట్రపతి సన్మాన విభూషిత, శతాధిక గ్రంథకర్త, ప్రాచీన వాఙ్మయ వ్యాఖ్యత పెదపాటి నాగేశ్వరరావు సహస్ర పూర్ణ చంద్ర దర్శన మహోత్సవం చూడముచ్చటగా ముగిసింది. హైదరాబాద్ లో రెండు రోజుల పాటు జరిగిన పెదపాటి వేయి పున్నముల దర్శన మహోత్సవానికి తెలంగాణ మాజీ స్పీకర్, ఎమ్మెల్సీ మధుసూదనాచారి ముఖ్యఅతిథిగా హాజరయ్యారు. చివరి రోజు ఘట్టం చిక్కడపల్లిలోని త్యాగరాయ గానసభలో సంప్రదాయబద్ధంగా జరిగింది. 1941లో గుంటూరు జిల్లాలో జన్మించిన పెదపాటి.. ఆనాడు ఉన్న అనేక వ్యతిరేక పరిస్థితులను ఎదురీది.. భాషలో, వేదాధ్యయనంలో, శిల్పశాస్త్రంలో ఎంతో కృషి చేశారని మధుసూూదనచారి కొనియాడారు. ఈనాటి యువకులను చదివించడానికి, అన్ని అవసరాలూ సమకూర్చడానికి తల్లిదండ్రులు సిద్ధంగా ఉన్నా పిల్లలు మాత్రం ఓ లక్ష్యం అంటూ లేకుండా ఉన్నారని ఆవేదన చెందారు. అందుకు భిన్నంగా పెదపాటి నాగేశ్వరరావు.. అననుకూల పరిస్థితులను అధిగమించి మహా పండితుడై కేవలం విశ్వబ్రాహ్మణ కులస్తులు మాత్రమే గాక యావత్ తెలుగుజాతి గర్వించే స్థాయికి ఎదిగారన్నారు.  అలాంటి మహా పండితుడికి తగిన గుర్తింపు రాకపోవడం కాస్త చింతించాల్సిన విషయమేనని, అందుకు ఎవర