Skip to main content

హైదరాబాద్ రెండో రాజధాని.. ఆంధ్రప్రభ కన్ఫర్మేషన్

మన దేశానికి ఇప్పటికైతే ఒకటే రాజధాని ఉంది. అది ఢిల్లీ. రెండో రాజధాని కూడా ఉందని, అది హైదరాబాదేనని ప్రముఖ దినపత్రిక ఆంధ్రప్రభ కన్ఫామ్ చేస్తోంది. గురువారం (29-10-2020) హైదరాబాద్ మెయిన్ ఎడిషన్ ఫస్ట్ పేజీ లోనే హైదరాబాద్ రెండో రాజధాని అంటూ కన్ఫామ్ చేసేసింది ఆ పేపర్ ఎడిటోరియల్ టీమ్. బుల్లెట్ ట్రెయిన్ ద్వారా "నాలుగు గంటల్లో ముంబైకి" అనే వార్తను హైలైట్ చేస్తూ దేశ ఆర్థిక రాజధాని ముంబై నుంచి దేశ రెండో రాజధాని హైదరాబాద్ కు అతి తక్కువ సమయంలో చేరుకోవచ్చని, దీనిద్వారా వ్యాపార, వాణిజ్య కార్యకలాపాలు పెరుగుతాయని, ఉపాధి అవకాశాలు మరింత ఊపందుకుంటాయని ఓ మంచివార్తను ప్రజెంట్ చేశారు. కానీ.. దేశ రాజధానిగా హైదరాబాద్ ఎప్పుడైంది అనేదే అంతుపట్టడం లేదు.



కేంద్ర ప్రభుత్వం హైదరాబాద్ ను రెండో రాజధానిగా ఎప్పుడు ప్రకటించింది? రాష్ట్రపతి ఏమైనా రాత్రికిరాత్రే ఉత్తర్వులిచ్చారా? లేదా పార్లమెంట్ తలుపులు మూసి రహస్యంగా ఏమైనా పని కానిచ్చేశారా? ఎందుకంటే అప్పట్లో తెలంగాణను పార్లమెంట్ తలుపులు మూసి బిల్లు పాస్ చేశారు కదా.. అదే పద్ధతిలో ఇప్పుడు బీజేపీ నేతలు అవే ఎత్తుగడలేమైనా వేశారా? సామాన్య పాఠకుడికి ఇలా పరిపరివిధాలా ఆలోచనలు రావడం సహజం. కానీ కాస్త లోతుగా, సావధానంగా ఆలోచిస్తే లోగుట్టు ఏంటో అంచనా వేయొచ్చు.


ఆ పత్రిక 'ఆంధ్ర'ప్రభ అనేది మొదటి విషయం. తెలంగాణ ఏర్పాటును 'ఆంధ్ర' నాయకులు, కొన్ని వర్గాల ప్రజలు, ఆఖరుకు పాత్రికేయులు కూడా రాజ్యాంగబద్ధమైన ప్రక్రియ అని తెలిసినా కూడా తెలంగాణను అడ్డుకోవడానికి అనేక విఫల ప్రయత్నాలు చేశారు. రాతలు, కూతలు, ప్రజెంటేషన్లు అదే పద్ధతిలో జరిగాయి. అందులో కొందరికి ఇప్పటికీ హైదరాబాద్ అన్నా, తెలంగాణ అన్నా జీర్ణం కాలేకపోతున్న ఘనపదార్థమే. ఈ తరహా వ్యవహార శైలి చాలాసార్లు వారిలో కనిపించింది. ఇటీవల వరదల సమయంలో కూడా వారి ప్రజెంటేషన్లు అదే పద్ధతిలో జరగడం గమనించాలి. మొన్నటి భారీ వర్షం హైదరాబాద్ ను ఉక్కిరిబిక్కిరి చేసిన మాట వాస్తవం. అదే సమయంలో ఏపీలో కూడా భారీగానే వర్షాలు పడ్డాయి. అక్కడా ముంపు భారీగానే జరిగింది. సీఎం జగన్మోహన్ రెడ్డి ఏరియల్ సర్వే కూడా చేయాల్సి వచ్చింది. కానీ ఆంధ్రా వరదలకు లేని ప్రాధాన్యం హైదరాబాద్ కే ఇచ్చారు. అవకాశం దొరికింది కదాని తెలంగాణ సర్కారును ఏకిపారేశారు. అయితే ఏకిపారేయడంలో తప్పేమీ లేదు కానీ.. మోతాదుకు మించి అధిక ప్రాధాన్యతనివ్వడం అనేది వార్తారచనలో, ప్రజెంటేషన్లో నిజాయితీ కన్నా ఓ రకమైన ఓర్వలేనితనమే కనిపించింది. సరిగ్గా అలాంటి ఓర్వలేనితనమేదో దేశ రెండో రాజధానిగా హైదరాబాద్ ను చూడాలని తహతహలాడుతోందన్నమాట. అంతకన్నా వేరే కారణం ఏమీ కనిపించడం లేదు.


అయితే రెండో రాజధానిగా హైదరాబాద్ ను చేయాలన్న ప్రతిపాదనలు కేంద్రం దగ్గర ఉన్నాయని చాలా కాలంగా వార్తలొస్తున్నమాట వాస్తవం. ఆ వార్తలను కేంద్రమంత్రి కిషన్ రెడ్డి ఆ మధ్య ఖండించడాన్ని గుర్తుంచుకోవాలి. అయితే భవిష్యత్తులో రెండో రాజధాని అనే ఆ కాస్త ముచ్చట కూడా తీరినా ఆశ్చర్యపోనవసరం లేదు. ఎందుకంటే కేంద్రంలో ఉన్న బీజేపీ ఇప్పుడు అన్నిరంగాలనూ ఓవరాలింగ్ చేస్తోంది. ఆ ఓవరాలింగ్ లో హైదరాబాద్ ను రెండో రాజధానిగా చేసిపారేయొచ్చు కూడా. కానీ రెండో రాజధాని కాకముందే అయ్యిందన్న ముచ్చట తీర్చుకోవడం ఎందుకు? హైదరాబాద్ మీద అక్కసు వెళ్లగక్కడం ఎందుకు? ఒకవేళ అలాంటిదేదైనా ఉంటే భద్రంగా మనసులో ఉంచుకుంటే అందరికీ మంచిది కదా.


 


Comments

Popular posts from this blog

అన్ని సర్వేలూ అదే చెబుతున్నాయి.. ఒక్కటి తప్ప

ఓటరన్న తన పని తాను కానిచ్చేశాడు. తనను సంప్రదించిన పార్టీలతో ఏం మాట్లాడాలో అదే మాట్లాడాడు. మీట నొక్కాల్సిన చోట నొక్కాడు. నిశ్శబ్దంగా తన రొటీన్ వర్క్ లోకి వెళ్లిపోయాడు. మరి ఆ ఓటరు ఏ మీట నొక్కాడు.. ఎవరి మీటరు మార్చబోతున్నాడు.. ఎవరి తలరాత మారబోతుంది? మునుగోడులో ప్రీపోల్ సర్వేలు, ఎగ్జిట్ పోల్ సర్వేలు ఏం చెబుతున్నాయి? ఆ కీలకమైన విషయాలు మీకోసం.  మునుగోడులో పరుగుపందెంలా మారిన ఉపఎన్నికలో హుజూరాబాద్ ఫలితం రిపీట్ కాకూడదన్న పట్టుదలతో టీఆర్ఎస్... మరో హుజూరాబాద్ లా మార్చేయాలన్న వ్యూహంతో బీజేపీ శ్రేణులు పనిచేశాయి. సర్వే సంస్థలు కూడా ఈ పోటీ తీవ్రతను అర్థం చేసుకొని.. అదే స్థాయిలో ఓటర్ల నాడిని అర్థం చేసుకునే ప్రయత్నం చేశాయి. అత్యధిక సర్వే సంస్థలు టీఆర్ఎస్ గెలుస్తుందని అంచనా వేయగా.. ఒకటీ, అరా సర్వే సంస్థలు బీజేపీ గెలుస్తుందని చెబుతున్నాయి. ఆయా సర్వే సంస్థల రిపోర్టును ఆసరా చేసుకొని పార్టీలు కూడా గెలుపు తమదేననే ధీమాలో ఉన్నాయి.  థర్డ్ విజన్ రీసెర్చ్ నాగన్న ఎగ్జిట్ పోల్ సర్వే ప్రకారం టీఆర్ఎస్ 48 నుంచి 51 శాతం ఓట్లు సాధిస్తుంది. బీజేపీ 31 నుంచి 35 శాతం ఓట్లతో రెండో స్థానంలో ఉంటుందని పేర్కొంది. 13 నుంచి 15 శాత

శ్రీశైల క్షేత్రంలో ఫొటోలు తీయబడును

ఎంతో చారిత్రక వైభవం, ఆధ్యాత్మిక శోభ వెల్లివిరిసే శ్రీశైల క్షేత్రాన్ని దర్శించుకోవడానికి ప్రతి భక్తుడే గాక ప్రతి భారతీయుడు కూడా ఆసక్తి చూపుతాడంటే అతిశయోక్తి కాదు. అందుకే శ్రీశైల  మహా క్షేత్రానికి భక్తుల తాకిడి విపరీతంగా ఉంటుంది. ఆధ్యాత్మిక యాత్రలకే గాక అద్భుతమైన టూరిస్టు ప్రాంతంగా ఉండడంతో ఎప్పుడూ రద్దీగా ఉంటుంది. ఇక మహాశివరాత్రి లాంటి పర్వదినాల్లో అయితే శ్రీశైలానికి ఉండే తాకిడి మామూలుగా ఉండదు. అయితే అన్ని ప్రముఖ హిందూ దేవాలయాల్లో ఉన్నట్టుగానే శ్రీశైలంలో కూడా ఫొటోలు, వీడియోలు తీయరాదనే  నిబంధన  ఉంది. ఎవరైనా కెమెరాలతో, సెల్ ఫోన్లతో లోనికి ప్రవేశించడానికి వీల్లేదు. అలా చేస్తే వాటిని ఆలయ సిబ్బంది జప్తు కూడా చేస్తారు. భద్రతా కారణాల రీత్యా కూడా శ్రీశైలం విషయంలో ఉన్నతాధికారులు జాగ్రత్తలు తీసుకుంటారు. అయితే నిబంధనలు మాత్రం పేరుకే స్ట్రిక్టుగా ఉన్నాయి గానీ.. ఆచరణలో మాత్రం అంతా డొల్లేనంటున్నారు భక్తులు.  ఎందుకంటే శ్రైశైలంలో దలారీ ఆనంద్ ను సంప్రదిస్తే ఎవరైనా, ఎక్కడైనా ఫొటో తీసుకోవచ్చు. అడిగినంత మొత్తం చెల్లిస్తే అమ్మవారి సన్నిధిలోనైనా, అయ్యవారి సన్నిధిలోనైనా.. ఎక్కడైనా సరే క్యాష్ పడేస్తే ఫొటో క్లిక

కొత్త పన్నులు రాబోతున్నాయి

వివిధ వస్తువులపై కేంద్ర, రాష్ట్ర ప్రభుత్వాలు వసూలు చేసే పన్నుల్లో భారీ మార్పులు చోటు చేసుకోబోతున్నాయా? ప్రతి నిత్యం వాడే వస్తువులపై పన్నులు పెరగక తప్పదా? ఇప్పటికే పెరిగిన ధరలతో సామాన్యుడు అల్లాడుతుంటే మళ్లీ కొత్త పన్నులతో బాదడం దేనికి.. అన్న అనుమానం కలుగుతుంది కదా?  మొన్ననే కేంద్ర ప్రభుత్వ బడ్జెట్ చూశాం. ఇక్కడ కేసీఆర్, అక్కడ జగన్ సర్కార్ల బడ్జెట్లు కూడా చూశాం. ఎవరూ పన్నుల జోలికి పోలేదు. దీంతో ప్రజలందరూ ఎంతోకొంత రిలీఫ్ ఫీలయ్యారు. ప్రభుత్వాలు పన్నుల జోలికి పోలేదు.. బతుకు జీవుడా అనుకున్నారు. అయితే ఆ ఆనందం ఎంతో కాలం నిలిచే అవకాశం కనిపించడం లేదు. ఎందుకంటే ఆదాయం తగ్గిపోయి అల్లాడుతూ అప్పులతో నెట్టుకొస్తున్న రాష్ట్రాలు కొత్త ఆదాయ మార్గాల కోసం అన్వేషిస్తున్నాయి. వచ్చే నెలలో జరగబోయే జీఎస్టీ కౌన్సిల్ సమావేశంలో కొత్త పన్నుల ప్రతిపాదనలు తెరమీదికు రాబోతున్నాయి.  మోడీ సర్కారు అధికారంలోకి వచ్చాక 2017 నుంచి గూడ్స్ అండ్ సర్విసెస్ ట్యాక్స్.. జీఎస్టీ ని అమల్లోకి తీసుకొచ్చింది. దాని ప్రకారం దేశమంతా ఒక వస్తువుకు ఒకే రకమైన పన్ను విధానం అమల్లోకి వచ్చింది. అయితే ఇందులో ఆయా రాష్ట్ర ప్రభుత్వాలకు నష్టం వాటిల్లుతో