తెలుగునాట గురుపూజా ఉత్సవం ఘనంగా జరిగింది. అన్ని వర్గాల ప్రజలు తమ నేపథ్యాన్ని అనుసరించి గురుపరంపరను స్మరించుకున్నారు. ఇక ఆధ్యాత్మికంగా తమదైన విలక్షణతకు ప్రఖ్యాతి గల విశ్వబ్రాహ్మలు.. విశ్వసృష్టిని రచించిన విశ్వకర్మ, ఆదిశంకరాచార్యుడు, జగద్గురువు వీరబ్రహ్మేంద్రస్వాములను స్మరించుకున్నారు. ఈసారి ప్రత్యేకంగా అన్ని చోట్లా వీరబ్రహ్మేంద్రస్వామి చిత్రపటాన్ని అందంగా అలంకరించి గురుపూజ నిర్వహించారు.
శేరిలింగంపల్లిలో మిషన్ విశ్వకర్మ లీడర్స్ వ్యవస్థాపకుడు ఆచార్య మాణిక్యం ఆధ్వర్యంలో వీరబ్రహ్మేంద్రస్వామిని భక్తిశ్రద్ధలతో పూజించారు. ఈ సందర్భంగా ఆచార్య మాణిక్యం విశ్వబ్రహ్మ జాతి తనదైన మూలాలు తెలుసుకొని పూర్వవైభవం దిశగా అడుగులు వేయాలని కోరారు. విశ్వబ్రాహ్మలు కేవలం ఆధ్యాత్మిక పథంతో పాటుగా వ్యాపార, వాణిజ్య, రాజకీయ రంగాల్లో తమకంటూ ప్రత్యేక స్థానాన్ని సృష్టించుకోవాలన్నారు. విశ్వ గమనానికి, గమ్యానికి అవసరమైన అన్నీ ఎంతో జాగ్రత్తగా రచించి ఇచ్చిన విశ్వబ్రాహ్మలు ఇవాళ ఆకలితో అలమటించే పరిస్థితుల మీద పోరాడాలని, ఇందుకోసం కదిలివచ్చే నాయకత్వాన్ని సమర్థించాలని విజ్ఞప్తి చేశారు.
విశ్వబ్రాహ్మలు తలుచుకుంటే సాధ్యం కానిదేదీ లేదని, ఒకసారి అందరూ ఆ దిశగా సంకల్పం తీసుకుంటే సర్వకార్యాలు కూడా పాదాక్రాంతం అవుతాయని, పాలకులను కూడా శాసించే రోజులు ఎంతో దూరంలో లేవన్నారు. తెలంగాణ సాధనలో జీవితాలనే త్యాగం చేసిన ఆచార్య జయశంకర్, శ్రీకాంతాచారిని గుర్తు చేసుకొని తమకు రావాల్సిన రాజకీయ వాటా కోసం అలుపులేని పోరు సాగించాలని పిలుపునిచ్చారు.
---------------------------
సికింద్రాబాద్ విశ్వకర్మ భవన్ లో వీరబ్రహ్మేంద్రస్వామి గురుపూజా ఉత్సవాన్ని ఆ సంఘం అధ్యక్షుడు దుబ్బాక కిషన్ రావు ఆధ్వర్యంలో భక్తిశ్రద్ధలతో నిర్వహించారు. ఈ కార్యక్రమంలో సంఘం ఇతర ప్రతినిధులు పాల్గొన్నారు.
-------------------------------------------
అలాగే హైదరాబాద్ అంబర్ పేటలో విశ్వకర్మ నాలెడ్జ్ సెంటర్ జాతీయ కమిటీ ఆధ్వర్యంలో శ్రీ వీరబ్రహ్మేంద్రస్వామి వారికి పూజా కార్యక్రమం నిర్వహించారు. ఈ కార్యక్రమంలో జాతీయ ప్రధాన కార్యదర్శి, వేదాస్ హైదరాబాద్ జిల్లా అధ్యక్షుడు A. జైన్ కుమార్ ఆచార్య, శ్రీ విశ్వబ్రాహ్మణ సమైక్య సంఘం అంబర్ పేట్ అసెంబ్లీ నియోజకవర్గంలోని సభ్యులు తదితరులు పాల్గొన్నారు.
----------------------------
గురుపూజానంతరం దైవారాధనలో చేపూరి లక్ష్మణాచారి దంపతులు, ఉప్పుగూడ, ఓల్డ్ సిటీ, హైదరాబాద్.
Comments
Post a Comment
Your Comments Please: