Skip to main content

తెలంగాణలో మరాఠీ సినిమా - ఓ శుభారంభం


మూస కథలు, పసలేని కథనాలు, మూడు పాటలు, ఆరు ఫైట్లు అనే ట్రెండు నుంచి తెలుగు ఇండస్ట్రీ కాస్త దారి మళ్లినట్టు కనిపిస్తున్నా.. నూతన పోకడలు, లో-బడ్జెట్ లోనే సృజనాత్మకమైన ప్రయోగాలు అనే కేటగిరీస్ లో మాత్రం దాదాపు శూన్యమనే చెప్పాలి. తిమింగలాల వంటి బడాబాబులు ఏలుతున్న తెలుగు ఇండస్ట్రీలో ప్రయోగాలతో కూడిన లో-బడ్జెట్ సినిమాలకు ఇంకా సమయం రాలేదన్న నిరాశ అంతటా ఆవరించిన ఉన్న సమయంలో నూతన తరానికి మలయసమీరం లాంటి ఓ శుభవార్త వినిపిస్తోంది. 


తొలితరం తెలంగాణ పోరాటయోధుడు కేశవరావు జాదవ్ మనవడు అయిన సత్యనారాయణరావు జాదవ్ రచయితగా, డైరెక్టర్ గా, నిర్మాతగా తెలంగాణ గడ్డ మీద మరాఠీ సినిమా పూర్తి చేశారు. పతీమజాకరామతీ (నా మొగుడు చిలిపికృష్ణుడు అని  తెలుగులో సమానార్థం) విడుదలకు సిద్ధమైన క్రమంలోనే లాక్ డౌన్ రావడం వేరే విషయం. అయితే 2, 3 నెలల్లో లాక్ డౌన్ ఎత్తేసి సినిమా హాల్స్ తెరిస్తే దీపావళి కానుకగా పతీమజాకరామతితో పాటు శెగావచరాజా అనే మరో సినిమాను కూడా విడుదల చేయనున్నట్లు సత్యనారాయణరావు జాదవ్ చెప్పారు. ఒకవేళ లాక్ డౌన్ తెరవడం కుదరకపోతే ఓటీటీ (ఓవర్ ద టాప్) ప్లాట్  ఫామ్ లో ఉన్న దాదాపు 160 చానల్స్ లో విడుదల చేసేందుకు సన్నాహాలు చేస్తున్నట్టు జాదవ్ ఎంతో ధీమాగా చెప్పడం విశేషం. తెలుగు ఇండస్ట్రీ నుంచి తెలుగు, మరాఠీ నటులతో రూపొందించిన మొదటి సినిమా ఇదే అవుతుందని అందువల్ల మరాఠీ ఇండస్ట్రీ నుంచి తనకు ఎంతో ప్రోత్సాహం లభిస్తుందని జాదవ్ చెప్పారు. అయితే తమ వంశీకులు ఒకప్పటి హైదరాబాద్ స్టేట్ లోని మరాఠీ ప్రాంతంవారని అందువల్ల తాతలు, తండ్రులు, కుటుంబ సభ్యులంతా మరాఠీ సంస్కృతిని పాటిస్తారని, తన మాతృభూమి హైదరాబాద్ అవడం వల్ల ఉర్దూ బాగా ఒంటపట్టిందని జాదవ్ చెబుతారు. తాత కేశవరావు జాదవ్ కు తెలంగాణ ఉద్యమంతో విడదీయలేని అనుబంధం ఉందని, తనకు సినిమాల మీద ఉన్న శ్రద్ధ కారణంగా తాను ఈ ఫీల్డ్ ఎంచుకున్నానని జాదవ్ చెబుతారు. 



మరాఠీ సినిమాలో బోనాల పాట


పతీమజాకరామతి సినిమాలో మానవవిలువలు, కుటుంబ విలువలు, సమాజ విలువల గురించి చెప్పామని.. విలువలు అనగానే బోరింగ్ సబ్జెక్టు అనే అభిప్రాయానికి కొందరు త్వరగా వస్తారని.. కానీ తాము మంచి ట్రీట్ మెంట్ తో, కామెడీ టచ్ ఇచ్చి యువతరాన్ని  దృష్టిలో ఉంచుకొని ఈ సినిమాను తెరకెక్కించామన్నారు. కుటుంబంలో అన్నదమ్ములు, అక్కాచెల్లెళ్ల మధ్య ఎలాంటి అనుబంధం ఉంటుందో కాలేజీల్లో గురుశిష్యుల మధ్య కూడా అలాంటి రిలేషన్సే  ఉండాలని చూపించడానికి ఈ సినిమాలో ప్రయత్నించామన్నారు. ఇంట్లో తల్లిదండ్రుల్లాగా విద్యా నిలయాల్లో గురశిష్యులు ఉంటారని, అందువల్ల విద్యార్థులంతా అక్క-చెల్లెళ్లు, అన్నదమ్ములు, సోదరీసోదరులే అవుతారు తప్ప మరే రకమైన రిలేషన్స్ కు తావు లేదన్న మెస్సేజ్ ఇచ్చామని, ఇది ప్రస్తుత సమాజానికి  చాలా అవసరమైన సబ్జెక్టు అని జాదవ్ అన్నారు. అయితే క్యారెక్టర్స్ ని ఎలివేట్ చేయడం కోసం ర్యాగింగ్ భూతాన్ని కూడా చూపించామని, దాన్ని నివారించేందుకు ఎలాంటి ఫైట్స్ లేకుండా కేవలం ఒక్కచెంపదెబ్బతోనే విలన్స్ మారిపోయే సీన్ ను అతి రమ్యంగా, సృజనాత్మకంగా తెరకెక్కించామన్నారు. అలాగే ఇందులో 5 పాటలు పెట్టామని, అందులో 2 పాటలు లవ్ సాంగ్స్ అని, బోనాల జాతర నేపథ్యంలో సాగే ఓ ఫోక్ సాంగ్ కూడా పెట్టామని, ఆ విధంగా మరాఠీ సినిమాలో తెలంగాణ బోనాల ప్రాశస్త్యాన్ని చూపించి రెండు రాష్ట్రాల మధ్య సాంస్కృతిక పరిపుష్టికి పెద్దపీట వేశామన్నారు. ఆ పాటను వరంగల్ లో చిత్రీకరించినట్లు చెప్పారు.అలాగే ఈ సినిమా చూస్తే ప్రేమోన్మాదం గానీ, లవ్ పేరుతో నేరాలు గానీ తగ్గే అవకాశం ఉంటుందని, ప్రేమజంటలు నేరస్తులుగా మారకుండా ఎంతో ఉపకరిస్తుందన్నారు. ప్రేమించడం నేరం కాకపోయినా.. పెద్దల్ని ఒప్పించుకొని తమ లవ్ ని అరేంజ్డ్ మ్యారేజ్ గా చేసుకోవాలని సూచించామన్నారు. దీనివల్ల ఎవరూ పారిపోయే అవకాశం ఉండదని, ఆత్మహత్యలకు ఆగిపోతాయని, యువతరం ఆవేశంలో తప్పుడు నిర్ణయాలు తీసుకునే అవకాశాలు తగ్గిపోతాయన్నారు. 


 


విడుదలకు ముందే అవార్డులు


పతీమజాకరామతి సినిమా విడుదలకు ముందే మంచి రెస్పాన్స్ సంపాదించిందని జాదవ్ ఆనందం వ్యక్తం చేశారు. తెలంగాణ నుంచి తొలి మరాఠీ మూవీ తమ బ్యానర్ మీద రావడంతో మరాఠీ ఇండస్ట్రీ నుంచి ఎంతో ప్రోత్సాహం లభించిందన్నారు. కథకు, కథనానికి, రెండు రాష్ట్రాల మధ్య భావ వారధిగా నిలిచినందుకు, రేపటిరోజుల్లో ఔత్సాహికులు ఎక్కడినుంచైనా సినిమా తీసుకునేలాగా ఆదర్శంగా నిలిచినందుకు అఖిల భారత చిత్రపట్ మహా మండల్ వారు కళాసమృద్ధి అవార్డుతో సత్కరించారన్నారు. అనేక ఫిల్మ్ ఫెస్టివల్స్ కు ఈ సినిమా స్క్రిప్టును పంపిస్తే జ్యూరీ సభ్యులు దీనికి 37 నేషనల్ అవార్డ్స్ అందజేశారన్నారు. గోవా ఫిల్మ్ ఫెస్టివల్, కొల్హాపూర్ ఫిల్మ్ ఫెస్టివల్ వంటి అనేక ఫెస్టివల్స్ కు ఈ స్క్రిప్టును పంపి పోటీలో పెట్టామని, అలా విడుదలకు ముందే అవార్డులు వరించడం తమ అదృష్టంగా భావిస్తున్నామన్నారు.  


ఈ సినిమాకు తనకు బెస్ట్ డైరెక్టర్ గా, తనతో పాటు సిద్ధేశ్వర్ పవార్ కు కలిపి బెస్ట్ స్క్రిప్ట్ రైటర్ గా అవార్డు వరించిందన్నారు. అలాగే ఈ సినిమాకు బెస్ట్ మూవీ అవార్డు, సామాజిక హితకరమైన థీమ్ ఎంచుకున్నందుకు తనకు ప్రత్యేకంగా బెస్ట్ థింకర్ అవార్డు వచ్చిందన్నారు. 


వరంగల్ లో షూటింగ్ సందర్భంగా తీసిన ఫొటో


విడుదలకు ముందే బుక్కయిన 16 వేల టికెట్లు


సినిమాలో భారతీయ సంప్రదాయానికి పెద్దపీట వేసి గురుశిష్యుల సంబంధం అనే ఇతివృత్తం ద్వారా గొప్ప విలువలను ప్రోత్సహించినందుకు భవసార్ క్షత్రియ సమాజ్ వారు 16 వేల టికెట్లు ముందుగానే బుక్ చేసి ప్రోత్సహించారని ఆనందం వ్యక్తం చేశారు. వారి ప్రోత్సాహం తనను ఎంతో వెన్ను తట్టిందని, ఇంకా ఇలాంటి సినిమాలను తెలంగాణ, ఆంధ్రాల్లో తీసుకువచ్చి ఒక కొత్త ఒరవడిని పరిచయం చేయాలని ఉందని జాదవ్ ఆశాభావం వ్యక్తం చేశారు. అటు తెలుగు ఇండస్ట్రీ, ప్రేక్షకులు కూడా తమ ప్రయత్నాన్ని ప్రోత్సహించాలని విజ్ఞప్తి చేశారు. టెంపర్, బలుపు వంటి హిట్ పిక్చర్స్ కి గాత్రదానం చేసిన వినాయక్ సతీశ్... ఈ సినిమాలో కూడా పాటలు పాడారన్నారు జాదవ్. 


 


Comments

Popular posts from this blog

వేయి పున్నముల వేదాధ్యాయి పెదపాటి

మహా మహోపాధ్యాయ, బహుభాషావేత్త, వేద వేదాంగవేత్త, రాష్ట్రపతి సన్మాన విభూషిత, శతాధిక గ్రంథకర్త, ప్రాచీన వాఙ్మయ వ్యాఖ్యత పెదపాటి నాగేశ్వరరావు సహస్ర పూర్ణ చంద్ర దర్శన మహోత్సవం చూడముచ్చటగా ముగిసింది. హైదరాబాద్ లో రెండు రోజుల పాటు జరిగిన పెదపాటి వేయి పున్నముల దర్శన మహోత్సవానికి తెలంగాణ మాజీ స్పీకర్, ఎమ్మెల్సీ మధుసూదనాచారి ముఖ్యఅతిథిగా హాజరయ్యారు. చివరి రోజు ఘట్టం చిక్కడపల్లిలోని త్యాగరాయ గానసభలో సంప్రదాయబద్ధంగా జరిగింది. 1941లో గుంటూరు జిల్లాలో జన్మించిన పెదపాటి.. ఆనాడు ఉన్న అనేక వ్యతిరేక పరిస్థితులను ఎదురీది.. భాషలో, వేదాధ్యయనంలో, శిల్పశాస్త్రంలో ఎంతో కృషి చేశారని మధుసూూదనచారి కొనియాడారు. ఈనాటి యువకులను చదివించడానికి, అన్ని అవసరాలూ సమకూర్చడానికి తల్లిదండ్రులు సిద్ధంగా ఉన్నా పిల్లలు మాత్రం ఓ లక్ష్యం అంటూ లేకుండా ఉన్నారని ఆవేదన చెందారు. అందుకు భిన్నంగా పెదపాటి నాగేశ్వరరావు.. అననుకూల పరిస్థితులను అధిగమించి మహా పండితుడై కేవలం విశ్వబ్రాహ్మణ కులస్తులు మాత్రమే గాక యావత్ తెలుగుజాతి గర్వించే స్థాయికి ఎదిగారన్నారు.  Also Read:  విమోచనమా? విద్రోహమా? సమైక్యతా దినోత్సవమా? అలాంటి మహా పండితుడికి తగిన గుర్తి

బీజేపీ విజయానికి దూసుకొస్తున్న కొత్త నినాదం

ప్రతి జాతీయ ఎన్నికలోనూ సరికొత్త నినాదంతో విజయాలు నమోదు చేస్తోంది బీజేపీ అగ్రనాయకత్వం. మోడీ, అమిత్ షా నాయకత్వంలో అంచెలంచెలుగా ఎదుగుతూ విపక్షాలకు ముచ్చెమటలు పట్టిస్తున్న ఆ పార్టీ.. 2024 పార్లమెంట్ ఎన్నికల్లో మరింత వినూత్నంగా ప్రచారానికి ప్లాన్ చేసింది. రెండు తెలుగు రాష్ట్రాల్లో దూసుకుపోవాలని భావిస్తున్న బీజేపీ ఈసారి సృజనాత్మకమైన కన్సల్టెంట్లను రంగంలోకి దింపుతోంది.  అందులో భాగంగా బీజేపీ సీనియర్ నేత ఈటల రాజేందర్ ప్రచార బాధ్యతలను ప్రముఖ కన్సల్టెంట్ దుర్గా స్థపతి చేపట్టారు. హైదరాబాద్ హైకోర్టులో అడ్వొకేట్ గా పనిచేస్తూ రాజకీయ కన్సల్టెంట్ గా కొనసాగుతున్న దుర్గాస్థపతి ఆచార్యకు ఈటల రాజేందర్ తమ పార్టీ జాతీయ స్థాయి ప్రచార బాధ్యతలు అప్పగించారు. ఈ క్యాంపెయిన్ లో భాగంగా "యూత్ విత్ మోడీ - బూత్ విత్ మోడీ" అనే ఆకర్షణీయమైన ఎన్నికల నినాద అస్త్రాన్ని ఈటల ఆవిష్కరించారు. అలాగే "ఈటలతో మనమందరం -  అవుతుంది ప్రతి ఇల్లూ రామమందిరం" అనే మరో ఆకర్షణీయమైన క్యాప్షన్ ని కూడా సోషల్ మీడియాలోకి వదిలారు ఈటల. ఈ నినాదాలు అర్థవంతంగా ఉండడమే గాక.. ఎంతో ఆకట్టుకుంటున్నాయని, ప్రజల్ని ఆలోచింపజేస్తాయన్న నమ్మకం తనకు

సంస్థాగత ఎన్నికలకు సిద్ధమవుతున్న 'వేదాస్'

కుల సంఘంలో ఎన్నికలు నిర్వహించి ఓ సరికొత్త సంప్రదాయానికి తెరతీసిన 'వేదాస్' (విశ్వకర్మ ఎంప్లాయీస్ అండ్ డెవలప్మెంట్ అసోసియేషన్) తన సంస్థాగత ఎన్నిక కోసం సమాయత్తమవుతోంది. ఇప్పటివరకు ఉన్న తాత్కాలిక కమిటీని రద్దు చేసి ఇకపై పూర్తిస్థాయి కమిటీని ఎన్నుకొనేందుకు వేదాస్ కార్యవర్గం తీర్మానం చేసిందని, అందులో భాగంగా ఆదివారం హైదరాబాద్ ఓల్డ్ బోయినపల్లిలోని వీరబ్రహ్మేంద్రస్వామి ఆలయంలో రాష్ట్ర స్థాయి ముఖ్య నేతలు, క్రియాశీల సభ్యుల సమావేశం జరిగిందని వేదాస్ ముఖ్యనాయకులు వి.నరసింహాచారి తెలిపారు. వేదాస్ పూర్తి స్థాయి కమిటీ కోసం ప్రజాస్వామ్య బద్ధంగా ఎన్నికలు నిర్వహించుకోవాలనే సభ్యుల తీర్మానాన్ని ఏకగ్రీవంగా ఆమోదించామని ఆయన చెప్పారు. ఫిబ్రవరి నుంచి ఏప్రిల్ లోపు రాష్ట్రస్థాయి, జిల్లా, మండల స్థాయి ఎన్నికలు జరుపుకొని కొత్త బాడీని ఎన్నుకుంటామన్నారు. ఎన్నికల నిర్వహణ కోసం పాత ఉమ్మడి జిల్లాకు ఒకరు చొప్పున బాధ్యులను ఎంపిక చేశామని.. రాష్ట్ర స్థాయి బాధ్యతలను సచ్చిదానందాచారితో పాటు సంతోష్ కుమార్ ఆచారి నిర్వహిస్తారని నరసింహాచారి చెప్పారు.  తాజా తీర్మానంతో ఇప్పటివరకు ఉన్న తాత్కాలిక కమిటీ రద్దయిపోయిందని, ఎలాంటి బాధ్యత