డాక్టర్లపై దాడులు జరుగుతున్నది ఇందుకేనా?

ఈ దేశ సామాన్య ముస్లింలు.. రోగుల ప్రాణాలు నిలబట్టే డాక్టర్లపై దాడులు చేసేంత తెలివిలేనివారా? కరోనా విజృంభణ తమను కూడా చుట్టుముట్టి ఊపిరాడకుండా చేస్తుందన్న విషయం కూడా వారికి తెలియదా? ఒక సామాన్య భారతీయుడికి ఎదురవుతున్న ప్రశ్నలు ఇవే. అయితే వారికి తెలియదనుకోవడం పొరపాటే అయినా.. వారు ఎందుకలా ప్రవర్తిస్తున్నారన్నది మాత్రం చాలా ముఖ్యమైన విషయం. మన దేశ ప్రజలందరూ, ముఖ్యంగా ముస్లింల కోసం ఆలోచించే నాయకులు, సంఘాలు మాత్రం మరింత బాగా, బాధ్యతగా ఆలోచించాల్సిన తక్షణావసరం ఏర్పడుతోంది. 

మన ముస్లింలు కరోనా డయాగ్నిసిస్ కోసం సహకరించకపోవడానికి మూలం దేశంలో కరోనా కనిపించడానికి ముందే ఏర్పడింది. డిసెంబర్ లో సిటిజన్ షిప్ అమెండ్ మెంట్ బిల్లుకు రూపకల్పన జరిగి చట్టరూపం దాల్చడానికి ముందు నుంచే అస్సాంలో మొదలైన నిరసనలు అనేక రాష్ట్రాలకు విస్తరించాయి. ఇక సీఏఏ అమల్లోకి వచ్చాక ఢిల్లీలోని షాహీన్ బాగ్ లో 3 వారాల పాటు ధర్నాలు జరిగాయి. దేశమంతా చలితో వణికిపోతున్న ఆ టైమ్ లో సీఏఏ వ్యతిరేక ఆందోళనలతో దేశ రాజకీయం వేడెక్కింది. సీఏఏ ను వాపస్ తీసుకునేదాకా విశ్రమించేది లేదన్న అసాధ్యమైన డిమాండ్ తో సామాన్య ప్రజల్ని రంగంలోకి దింపారు. చిన్నపిల్లల్ని సైతం షాహీన్ బాగ్ నిరసనల్లో పాల్గొనేలా చేశారు. జ్వరంతో ఉన్న పసిపాప అదే చలిలో ఉండటంతో చనిపోవడం కూడా జరిగింది. పౌరసత్వ సవరణ చట్టం ఈ దేశ ముస్లింలు అందరికీ వ్యతిరేకమని, అది అమల్లోకి వస్తే ముస్లింలు పౌరులు కాకుండా పోతారన్న అపోహను బలంగా నాటడంలో ఈ దేశ సెక్యులర్ పార్టీలు సక్సెస్ అయ్యాయి. ఎన్పీఆర్, ఎన్నార్సీ, సీఏఏను తాము వ్యతిరేకిస్తున్నామని.. జనాభా లెక్కల కోసం వచ్చే ప్రభుత్వాధికారులకు ఏ విషయమూ వివరించరాదని సీఏఏ వ్యతిరేక నాయకత్వం ముస్లింల చేత  ప్రతిజ్ఞలు చేయించింది. 

Also Read:  Can India limit religious gatherings @CORONA times?

హైదరాబాద్ లో పోటీ ర్యాలీలు
ఈ క్రమంలోనే జనవరి 4న హైదరాబాద్ లో కూడా కనీవినీ ఎరుగని రీతిలో మిలియన్ మార్చ్ జరిగింది. ఆ మార్చ్ కు అధికార టీఆర్ఎస్ సహా కాంగ్రెస్, లెఫ్ట్ పార్టీలు, దళిత సంఘాలు, పౌరసంఘాలుగా చెప్పుకునే ఇతర లెఫ్ట్ బ్యాగ్రౌండ్ గల నేతలు.. ఇలా అందరూ సహకరించారు. ఆ సభను ఒకరకంగా యాంటీ సీఏఏ మార్చ్ అనేకన్నా యాంటీ బీజేపీ, యాంటీ మోడీ మార్చ్ గా అభివర్ణించుకోవచ్చు. ఇంకో అంశమేంటంటే.. ఆ ర్యాలీ తరువాత సామూహికంగా నమాజ్ నిర్వహించడాన్ని ప్రత్యేకంగా చెప్పుకోవాలి. ఎంబీటీ గ్రౌండ్ వర్క్ తో జరిగిన ఆ భారీ ర్యాలీ తరువాత జనవరి 25 రాత్రి ఎంఐఎం మరో నిరసన కార్యక్రమాన్ని నిర్వహించింది. గణతంత్ర దినోత్సవానికి ముందు రోజు రాత్రి సీఏఏ వ్యతిరేక కార్యక్రమం నిర్వహించడం ఎంత కుట్రపూరితమైన, వ్యూహాత్మకమైన నిర్ణయమో ఎవరైనా అంచనా వేసుకోవచ్చు. తిరంగా జెండా పట్ల ఎప్పుడూ గౌరవాన్ని ప్రకటించని ఎంఐఎం.. ఆ రాత్రి తిరంగా జెండాలు పట్టుకొని సీఏఏ వ్యతిరేక నిరసనకు పూనుకోవడాన్ని ఎవరైనా అర్థం చేసుకోవచ్చు. ఆ రోజు రాత్రి కవితలు, ముషాయిరాలు, ఉపన్యాసాలతో ఖిల్వత్ గ్రౌండ్ హోరెత్తింది. తిరంగా జెండాల నీడన జరిగిందంతా దేశ వ్యతిరేక ప్రదర్శనలేనని గమనించాలి. 

అలా ఊపందుకున్న సీఏఏ వ్యతిరేక నిదర్శనలు అన్ని జిల్లాల్లో, మారుమూల గ్రామాల్లో (దేశవ్యాప్తంగా) సైతం విస్తరించాయి. ముస్లిం నాయకత్వం తన వర్గం ప్రజలందరికీ పౌరుల వివరాల సేకరణ కోసం వచ్చే ఏ ప్రభుత్వాధికారికైనే సహకరించరాదని స్థానికంగా ఉండే అన్ని స్థాయిల ముస్లిం నాయకత్వం, కాంగ్రెస్, లెఫ్ట్, ఇతర యాక్టివిస్టులు బహిరంగ ప్రకటనలు చేశారు. ఈ లోగా కరోనా కలకలం మొదలైంది. అప్పటికే ఇండొనేషియా నుంచి, మలేషియా నుంచి తబ్లిగీ జమాత్ కోసం మతపెద్దలు హాజరయ్యారు. కానీ అది నడుస్తున్న విషయం దేశ ప్రజలకు తెలియదు. అది నడుస్తుందని తెలిసివారు, దానికోసం హాజరయ్యేవారికి తప్ప. ఈ లోగా కరోనా కాస్త చైనాను దాటుకొని ప్రపంచమంతా విస్తరించి, మన గడపలో అడుగుపెట్టి, జమాత్ తబ్లిగీ పూర్తయి, ఇండొనేషియన్లు కరీంనగర్ వచ్చారన్న విషయం బయటపడ్డ సమయం దాకా మనకు దాని ప్రభావమే తెలీదు. తీరా లాక్ డౌన్ ప్రకటించి, జమాత్ కు హాజరైనవారి వల్లే ఇంత విపరీతంగా వ్యాపించిందని బయటకు పొక్కే నాటికి పరిస్థితి అదుపు తప్పింది. ఏప్రిల్ 5 నుంచి 6 నాటికి ఒక్క రోజులోనే 63 కొత్త కేసులు బయటపడ్డాయంటే తబ్లిగీ ఎఫెక్ట్ ఎలా ఉందో అర్థం చేసుకోవచ్చు. ఈ నేపథ్యంలో జమాత్ కు వెళ్లొచ్చినవారిని గుర్తించేందుకు వెళ్తున్న వైద్యసిబ్బందిపై దాడికి కారణమెవరో చాలా సులభంగా అర్థం చేసుకోవచ్చు. 

ఆ పార్టీలు ఇప్పుడేం చెబుతాయి?
సీఏఏ ద్వారా తమమీద దేశ బహిష్కరణ వేటు లాంటిది పడబోతుందన్న అపోహలో ఉన్న ముస్లింలు... తమవద్దకు వచ్చే వైద్యసిబ్బందిని జనాభా లెక్కల కోసం వచ్చే ప్రభుత్వాధికారులుగా పొరపడుతున్నారు. అందుకే వారుండే ఇలాకాల్లో అడుగుపెట్టనివ్వకుండా రాళ్లదాడులకు దిగుతున్నారు. మహిళా సిబ్బందిపై బండబూతులకు దిగుతున్నారు. ప్రాణాలైనా అర్పిస్తాం.. వివరాలను మాత్రం అవ్వమని, ఇంక్విలాబ్ జిందాబాద్ అన్న నినాదాల ఎఫెక్ట్ ఎంత తీవ్రంగా ఉందో అర్థం చేసుకోవచ్చు. మరోవైపు.. అక్కడ జమాత్ లో సైతం అసలు మత బోధల కన్నా... సీఏఏ వ్యతిరేక పాఠాలు నేర్పించడం, ప్రజలందరినీ రోడ్ల మీదికి రప్పించాలని రెచ్చగొట్టడం, ఎట్టి పరిస్థితుల్లోనూ వైద్య పరీక్షలకు సహకరించరాదని చెప్పడం.. ఇలాంటి అంశాలన్నీ ఇప్పుడు బాగా సింకవుతున్నాయి. ఈ దేశ సగటు ముస్లింలు కరోనాకు సహకరించకపోవడానికి కారణం వాళ్ల అజ్ఞానం, అమాయకత్వం కన్నా.. వారికి అలా నూరిపోసిన రాజకీయ పార్టీలు, సామాజిక కార్యకర్తలదేనని చెప్పక తప్పదు. మరి.. పరిస్థితి ఇంత తీవ్రరూపం దాల్చాక ఆ రాజకీయ పార్టీల్లో ఎంతమంది తమ పాత్రను కరెక్ట్ చేసుకుంటారనేదే బిలియన్ డాలర్ల ప్రశ్న.