Skip to main content

మోడీ సోషల్ మీడియా వదిలేస్తే ఏమౌతుంది?


 


ప్రధాని మోడీ సోషల్ మీడియా అకౌంట్లకు స్వస్తి పలుకుతారన్న ప్రకటన సోషల్ మీడియాలో కలకలమే రేపుతోంది. ఎందుకంటే కోట్లాది  మంది ఫాలోయర్లు మోడీకి ఉన్నారు. ఈ విషయంలో మన దేశంలో మోడీనే టాప్ లో ఉండడం గమనించాల్సిన అంశం. అంతమంది ఫాలోయర్స్ ను పెట్టుకొని అకౌంట్స్ ని వదిలేసేందుకు సిద్ధమవడం చాలా గొప్ప విషయమే కాక ఆలోచించాల్సిన విషయం కూడా. 


మోడీ సోషల్ మీడియాను వదులుకోవడానికి కారణాలు ఇవీ - 


1) సోషల్ మీడియా ప్లాట్ ఫామ్స్ చాలావరకు న్యూస్ ని స్ప్రెడ్ చేయడమే తప్ప.. వాటి మీద కంట్రోల్ లేకపోవడం. ముఖ్యంగా ట్విట్టర్, ఫేస్ బుక్. 


2) కంట్రోల్ చేయాలనుకున్నా చేసే వ్యవస్థను ఏర్పాటు చేసుకోకపోవడం. ముఖ్యంగా అందుకోసం చిత్తశుద్ధి లేకపోవడం. 


3) వన్ బిలియన్ ప్రజల మార్కును దాటిన భారత్ లో దాదాపు 50 శాతానికి పైగా ప్రజలు నిత్యం ఆన్ లైన్ లోనే ఉంటున్నారు. దీంతో నెట్ వర్క్ బిజినెస్ లో ఇండియాది పైచేయిగా మారుతోంది. దీన్ని బిజినెస్ అవకాశంగా మలుచుకుంటున్న సోషల్ మీడియా బాసులు రూమర్స్ అంశాన్ని అసలేమాత్రం పట్టిించుకోవడం లేదు. పైగా ఆ రూమర్స్ నే బిజినెస్ పాయింట్ గా మార్చుకుంటున్నారన్న ఆరోపణలు ఇటీవలి కాలంలో విపరీతంగా వినిపిస్తున్నాయి.


4) భారత్ తీసుకుంటున్న చాలా నిర్ణయాల విషయంలో సోషల్ మీడియా బాధ్యతగా వ్యవహరించడం లేదు. 370 ఆర్టికల్ రద్దు చేసినప్పుడు జమ్మూ-కాశ్మీర్ లో శాంతియుత వాతావరణం కోసం చేసిన ప్రయత్నాలను కాకుండా చిన్నచిన్న ప్రదర్శనలకు అధిక ప్రయారిటీ ఇచ్చి అభూత కల్పనలు ప్రచారం చేసింది. అలాంటి అభూతకల్పనలన్నీ ఫేక్ అకౌంట్ల ద్వారానే జరిగిన విషయం రుజువైంది. కానీ ట్విట్టర్ యాజమాన్యం మాత్రం దేశ ప్రజల సెంటిమెంట్స్ ను పట్టించుకోలేదు. ఫేక్ అకౌంట్లను కట్టడి చేయలేదు. అలాగే అక్కడున్న వాస్తవాన్ని ప్రపంచానికి చెప్పేందుకు ప్రయత్నం  కూడా చేయలేదు. 


5) అమెరికా అధ్యక్షుడి ఎన్నికల సందర్భంలో ఫేస్ బుక్ అకౌంట్ హోల్డర్ల సమాచారాన్ని భారీ మొత్తానికి అమ్ముకున్నారన్న ఆరోపణలు జుకర్ బర్గ్ మీద ఉండనే ఉన్నాయి. ఇది గమనించాల్సిన అంశం. 


 


మోడీ లాంటి వారు వదిలేస్తే మంచిదే - 


ప్రపంచంలో అత్యధిక ఫాలోయర్లు ఉన్న నరేంద్ర మోడీ సోషల్ మీడియా అకౌంట్లు వదిలేస్తే అది ఓ మంచి సంప్రదాయమే అవుతుంది. కనీసం ఇప్పుడైనా ఆయా యాజమాన్యాలు పునరాలోచన చేసే అవకాశం ఉంటుంది. సోషల్ మీడియా అనేది వ్యక్తిగత అభిప్రాయాలకు వేదిక. అందులో ఎవరికి తోచింది వారు రాసుకుంటారు. నచ్చినవాళ్లు యాడ్ అవుతారు. నచ్చనివారు లెఫ్ట్ అయిపోతారు. ఎవరికీ లాభ-నష్టాలతో పనిలేదు. బాధ్యతల పట్టింపు అసలే ఉండదు. నా అకౌంట్ - నా ఇష్టం అన్నట్టుగా రాతలు, కూతలు సాగిపోతుంటాయి. ఒకర్ని నియంత్రించే అధికారం ఇంకొకరికి ఉండదు. ఇప్పుడు ఇదో పెద్ద సవాలై కూర్చుంది. 


ప్రత్యామ్నాయం ఏంటి?


అయితే మోడీ తన అకౌంట్లను వదిలేస్తాను అంటూనే ప్రజలతో టచ్ లో ఉంటాను అనడం మాత్రం ఆసక్తి రేపుతోంది. ఏ విధంగా టచ్ లో ఉంటారు.. రేడియో, దూరదర్శన్ లాంటివాటిని ఎక్కువగా ఉపయోగించుకుంటారా.. ప్రభుత్వ ఆధ్వర్యంలో ఉన్న ప్రెస్ ఇన్ఫర్మేషన్ బ్యూరో (పీఐబీ) వంటివాటిని సోషల్ మీడియాలోకి తీసుకొస్తారా.. లేక మరేదైనా ప్రత్యామ్నాయాన్ని ఇప్పటికే ఆలోచించి పెట్టారా..  అన్నది చాలా ఆసక్తిగా మారింది. బాధ్యత లేని సోషల్ మీడియాను నిషేధించి, బాధ్యతగా ప్రవర్తించే జనరల్ మీడియాను అమితంగా ప్రోత్సహిస్తారా? అదే జరిగితే జనరల్ మీడియాకు మంచిరోజులు వచ్చినట్టే. జనరల్ మీడియాలోకి ఇప్పటికే ఎఫ్.డి.ఐ. లకు  పూర్తి పర్మిషన్ ఇచ్చిన మోడీ మనసులో ఇంకెలాంటి ఆలోచనలున్నాయో వేచి చూడాలి. అయితే మార్చి 8న మహిళా దినోత్సవం సందర్భంగా వారి సేవలను, త్యాగాలను హైలైట్ చేస్తూ తన అకౌంట్లను వారు గానీ, వారి తరఫున కథనాలు గానీ పోస్ట్ చేసేవారు టేకోవర్ చేసుకునే అవకాశం కల్పించడం మాత్రం వినూత్నమైన ఆలోచన. 


Photo: pragativadi


Comments

Popular posts from this blog

కొత్త పన్నులు రాబోతున్నాయి

వివిధ వస్తువులపై కేంద్ర, రాష్ట్ర ప్రభుత్వాలు వసూలు చేసే పన్నుల్లో భారీ మార్పులు చోటు చేసుకోబోతున్నాయా? ప్రతి నిత్యం వాడే వస్తువులపై పన్నులు పెరగక తప్పదా? ఇప్పటికే పెరిగిన ధరలతో సామాన్యుడు అల్లాడుతుంటే మళ్లీ కొత్త పన్నులతో బాదడం దేనికి.. అన్న అనుమానం కలుగుతుంది కదా?  మొన్ననే కేంద్ర ప్రభుత్వ బడ్జెట్ చూశాం. ఇక్కడ కేసీఆర్, అక్కడ జగన్ సర్కార్ల బడ్జెట్లు కూడా చూశాం. ఎవరూ పన్నుల జోలికి పోలేదు. దీంతో ప్రజలందరూ ఎంతోకొంత రిలీఫ్ ఫీలయ్యారు. ప్రభుత్వాలు పన్నుల జోలికి పోలేదు.. బతుకు జీవుడా అనుకున్నారు. అయితే ఆ ఆనందం ఎంతో కాలం నిలిచే అవకాశం కనిపించడం లేదు. ఎందుకంటే ఆదాయం తగ్గిపోయి అల్లాడుతూ అప్పులతో నెట్టుకొస్తున్న రాష్ట్రాలు కొత్త ఆదాయ మార్గాల కోసం అన్వేషిస్తున్నాయి. వచ్చే నెలలో జరగబోయే జీఎస్టీ కౌన్సిల్ సమావేశంలో కొత్త పన్నుల ప్రతిపాదనలు తెరమీదికు రాబోతున్నాయి.  మోడీ సర్కారు అధికారంలోకి వచ్చాక 2017 నుంచి గూడ్స్ అండ్ సర్విసెస్ ట్యాక్స్.. జీఎస్టీ ని అమల్లోకి తీసుకొచ్చింది. దాని ప్రకారం దేశమంతా ఒక వస్తువుకు ఒకే రకమైన పన్ను విధానం అమల్లోకి వచ్చింది. అయితే ఇందులో ఆయా రాష్ట్ర ప్రభుత్వాలకు నష్టం వాటిల్లుతో

"రామప్ప గుడి యాత్ర"కు అనూహ్య స్పందన

తాము తలపెట్టిన రామప్ప గుడి యాత్రకు అనూహ్యమైన స్పందన లభించిందని, ఈ స్ఫూర్తిని కొనసాగిస్తూ రానున్న రోజుల్లో తెలంగాణ నుంచే కాక, ఆంధ్రప్రదేశ్ నుంచి కూడా మరిన్ని  యాత్రలు  నిర్వహిస్తామని మంగళంపల్లి మహామాయి దేవాలయ అభివృద్ధి కమిటీ ప్రతినిధి బొడ్డుపల్లి  బాలబ్రహ్మాచారి పేర్కొన్నారు.  ప్రపంచ దేశాల్లో భారతీయ శిల్పకళకు, శిల్పాచార్యుల   ప్రతిభా పాటవాలకు అజరామరమైన కీర్తిని సంపాదించిన  రామప్ప దేవాలయ   చరిత్రను ప్రజలకు మరింత చేరువ చేసేందుకు జనవరి ఒకటో తేదీన తాము ఈ   యాత్రను తలపెట్టామని, అయితే ఈ యాత్రకు తాము అనుకున్నదానికన్నా ప్రజల నుంచి ఎక్కువ స్పందన వచ్చిందని, ఆ ఉత్సాహంతో మరిన్ని మెరుగైన ఏర్పాట్లు చేసి ఎక్కువ మంది ప్రజలను భాగస్వామ్యం చేస్తామని, మరిన్ని యాత్రలు చేపడతామని చెప్పారు.  రామప్ప అనే శిల్పాచార్యుడి పేరుతో శతాబ్దాలుగా ప్రజలందరికీ సుపరిచతమైన అద్భుతమైన  ఆలయం ప్రపంచ వారసత్వ కట్టడంగా గుర్తింపు పొందిన తరువాత రామప్ప అనే పేరును క్రమంగా  అదృశ్యం చేసే కుట్ర జరుగుతోందని, అందులో భాగంగానే యునెస్కో ధ్రువీకరించిన శాసనంలో రామప్ప గుడి అనే పేరును బ్రాకెట్లో పెట్టి రుద్రేశ్వరాలయాన్ని ప్రధానంగా తెరమీదికి ఎక

'తానా' కవి సమ్మేళనానికి ఎంపికైన జె.వి.కుమార్ చేపూరి

తానా ప్రపంచ సాహిత్య వేదిక "భారతదేశ వజ్రోత్సవాలు"  పురస్కరించుకుని పలు సామాజిక అంశాలపై ప్రతిష్టాత్మకంగా "అంతర్జాతీయ కవితల పోటీలు" నిర్వహించింది. ఈ పోటీలో హైదరాబాద్ కు చెందిన కవి, రచయిత జె.వి. కుమార్ చేపూరి ఎంపికయ్యారు. ఈ నెల 24న (2022 ఏప్రిల్ 24) తానా ప్రపంచవ్యాప్తంగా ఆన్ లైన్ లో నిర్వహిస్తున్న “కవితాలహరి”లో జెవి కుమార్ చేపూరి తన కవితను ఆవిష్కరించబోతున్నారు. “భారతదేశ సమగ్రత”  అనే ఇతివృత్తంపై జెవి కుమార్ ఇదివరకే సమర్పించిన "సర్వమత సారం - మానవత్వం" అనే వచన కవిత ఈ పోటీకి ఎంపికైంది.  Also Read:  కొత్త సెక్రటేరియట్ ఓపెనింగ్ ఎప్పుడో తెలుసా? ప్రపంచవ్యాప్తంగా ఆన్ లైన్ వీడియో వేదికగా జరిగే ఈ కవితావిష్కరణ సభలో పాల్గొనే అవకాశం కల్పించినందుకు తానా అధ్యక్షులు లావు అంజయ్య చౌదరికి, తానా ప్రపంచ సాహిత్య వేదిక సమన్వయకర్త చిగురుమళ్ళ శ్రీనివాసుకు, ప్రపంచ సాహిత్య వేదిక నిర్వాహకులు డా. ప్రసాద్ తోటకూరకు జె.వి.కుమార్ కృతజ్జలు తెలియజేశారు. అనేక మంది దేశ, విదేశ తెలుగు కవులు, సాహితీవేత్తలు హాజరయ్యే ఈ కవితాలహారి కార్యక్రమం తానా అధికారిక యూ-ట్యూబ్ ఛానెల్, ముఖపుస్తకం (ఫేస్ బుక్) ఛానల్ ల