Skip to main content

కకావికలమవుతున్న వలస కూలీ బతుకులు


కరోనా దెబ్బకు వలస కూలీలు విలవిల్లాడిపోతున్నారు. బుక్కెడు బువ్వ కోసం, పూట గడవకపోయినా కనీసం పిల్లలకైనా కాస్తోకూస్తో మంచి చదువులు దొరుకుతాయన్న ఉద్దేశంతో వందల కిలోమీటర్లయినా భారం అనకుండా పట్నం వెళ్లిన కూలీలు వీరు. ఇప్పుడు ఇల్లు చేరుకునేందుకు చుక్కలు చూడాల్సి వస్తోంది. దేశమంతా ఇదే పరిస్థితి. మొన్న ఢిల్లీ నుంచి పక్క రాష్ట్రాలకు తిరిగి వెళ్లేందుకు గుమిగూడిన జనంతో ఆనందవిహార్ బస్టాండ్ కిక్కిరిసిపోయింది. ఓ ప్రధాన రాజకీయ పార్టీ ఏర్పాటు చేసిన బహిరంగ సభకు ఎంత జనం వస్తారో.. అలా కనిపించింది ఆ జనాన్ని చూస్తే. దేశం లాక్ డౌన్ అయిన వారం తరువాత కూడా ప్రభుత్వాలు కూలీ జనం విషయంలో ఎంత నిర్లక్ష్యంగా ఉన్నారో ఆ దృశ్యం ద్వారా తెలుసుకోవచ్చు. 



ఇక దేశ రాజధాని నుంచి సుదూర ప్రాంతాల్లో ఉన్న కేరళ, తెలంగాణ, ఆంధ్రా, తమిళనాడు వంటి రాష్ట్రాల్లో కూడా దాదాపు ఇలాంటి దృశ్యాలే కనిపిస్తున్నాయి. తెలంగాణ విషాయనికే వస్తే ఎటూ 100, 200 కిలోమీటర్లకు పైబడ్డ దూరం నుంచే గాక... ఒడిశా, బీహార్, యూపీ, కోల్ కతా, కర్నాటక వంటి పక్క రాష్ట్రాల నుంచి కూడా పెద్దసంఖ్యలో కూలీలు బతుకుదెరువు కోసం వచ్చారు. వారంతా ఇక్కడే స్లమ్ ఏరియాల్లో, సిటీ ఔట్ స్కర్ట్స్ లో గుడిసెలు వేసుకొని లేదా ఓపెన్ ప్లేస్ లలో గుడారాలు వేసుకొని బతుకుబండి లాగిస్తున్నారు. వీరిలో కొందరైతే కేవలం పిల్లల చదువుల కోసమే వచ్చినవాళ్లు కూడా ఉండడం విశేషం. రోజంతా ఏదో కూలీ పని చేసుకొని సాయంత్రం అయ్యాక తిండిగ్రాసం కొనుక్కొని నివాసం చేరుకుంటారు. అలాంటివారి పరిస్థితి ఎటూ కాకుండా పోయింది. 



కేంద్ర, రాష్ట్ర ప్రభుత్వాలు 15 కిలోల బియ్యం, కిలో పప్పు, ఖర్చుల కోసం 1500 రూపాయలు ఇస్తున్నట్టు ప్రకటించాయి. అయితే ప్రభుత్వ ప్రోత్సాహకాలు పొట్ట కూటికి సరిపోతాయమే కానీ... సాధారణ ఖర్చుల కోసం ఆ 1500 ఏ మూలకూ సరిపోవు. ఈ క్రమంలో ఇంటిఅద్దె చెల్లించడం అనేది ఈ చిన్నజీవులకు అతిపెద్ద సవాలుగా మారుతోంది. ఇంటి యజమానులు ఫస్టు తారీఖు రాగానే అద్దె కట్టకపోతే వేధింపులు మొదలుపెడతారు. ఒక్క రెండు రోజులైనా ఆగని యజమానులు హైదరాబాద్ లో కోకొల్లలు. అతికొద్ది మంది మాత్రమే అర్థం చేసుకునే యజమానులుండడం విశేషం. ప్రభుత్వాలు మూడు నెలల వరకు ఇంటిఅద్దె విషయంలో రిలీఫ్ ఇవ్వాలని ఆదేశాలు జారీ చేసినా.. దాని అమలు విషయంలోనే ఈ వలస కూలీలకు నమ్మకం కుదరడం లేదని వారి మాటల్ని బట్టి తెలుస్తోంది. 



(కరీంనగర్ ట్రాఫిక్ ఏసీపీ శంకర్రాజు, ట్రాఫిక్ సిబ్బంది బావుపేట నుండి ఒరిస్సాకు వెళ్తున్న కూలీలకు ఫుడ్ ప్యాకెట్స్ అందిస్తున్న దృశ్యం. రాజస్థాన్ సేవా సంస్థ, రోటరీ క్లబ్ వారి సౌజన్యంతో ఇది జరిగింది.)


స్థానిక ప్రభుత్వాలు, ప్రజాప్రతినిధులు తిండి, వసతి ఏర్పాట్లకు ఉపక్రమించినా.. అవి వలస కూలీల తాకిడికి ఏమాత్రం సరిపోవడం లేదన్న విమర్శలు వినిపిస్తున్నాయి. లాక్ డౌన్ సక్సెస్ కావాలంటే ఎక్కడివారిని అక్కడే ఉంచాలి. అది జరగాలంటే.. వారు కదలకుండా చేసే నమ్మకం కలిగించాలి. ముఖ్యంగా ఇంటిఅద్దెలతో పాటు రాబోయే 3 నెలల వరకు వెసులుబాటు కల్పించే ఏర్పాట్లు చేయాలన్న అభిప్రాయాలు వినిపిస్తున్నాయి. మరి.. పాలక ప్రభుత్వాలు ఈ సూచనలు ఎంతవరకు అమలు చేస్తారో చూద్దాం. 


 


Comments

Popular posts from this blog

తాటికొండ సుదర్శనం స్మారక చలివేంద్రం ప్రారంభం

కమాన్ పూర్, ఏఫ్రిల్ 12: పెద్దపల్లి జిల్లా కమాన్ పూర్ మండల కేంద్రంలో స్వర్గీయ తాటికొండ సుదర్శనంగారి స్మారక చలివేంద్రాన్ని ఏర్పాటు చేశారు. ఈ చలివేంద్రాన్ని స్థానిక ఛత్రపతి శివాజీ యువసేనవారు నిర్వహిస్తున్నారు. కమాన్ పూర్ లో గల స్టేట్ బ్యాంక్ ఆఫ్ హైదరాబాద్ మేనేజర్ బి.వెంకటేశ్వర్లు చేతులమీదుగా చలివేంద్రం ప్రారంభమైంది. వేసవిలో బ్యాంకు పని మీద వచ్చేవారితో పాటు.. మెయిన్ రోడ్డు గుండా వెళ్లే వందలాది మంది బాటసారులకు, వాహనదారులకు ఈ చలివేంద్రం ప్రతి వేసవిలోనూ ఎంతో ఉపయోగపడుతుందని.. దీన్ని సద్వినియోగం చేసుకోవాలని మేనేజర్ వెంకటేశ్వర్లు ప్రజలను కోరారు. ఈ చలివేంద్రంలో ప్రతి రోజూ మధ్యాహ్నం అంబలి పంపిణి చేస్తారని, ప్రజలు ఈ సౌకర్యాన్ని సద్వినియోగం చేసుకోవాలని నిర్వాహకులు తెలిపారు.  తాటికొండ సుదర్శనంగారు 2019, ఫిబ్రవరి 14న పరమపదించారు. ఆయన జ్ఞాపకార్థం వారి శ్రీమతి చంద్రకళ, కుమారులు రమేశ్ బాబు, నాగభూషణాచారి, వీరాచారి పూనుకొని ప్రతి వేసవిలోనూ ప్రజలకు చల్లని మంచినీళ్లు అందించాలన్న ఉద్దేశంతో ఫ్రిజ్ ను సమకూర్చారు. వారి కార్యక్రమానికి కొనసాగింపుగా గ్రామంలోని ఛత్రపతి శివాజీ యువసేనవారు చలివేంద్రం నిర్వహించేందుకు ము

రోమ్ నగరానికి శ్రీరామనవమి రోజే బొడ్రాయి వేశారా?

ఇటలీ రాజధాని రోమ్ నగరానికి శ్రీరామ నవమి రోజే శంకుస్థాపన చేశారా? ఇటలీ భాషలో రోమ్ అంటే రాముడనే అర్థమా? ఈజిప్టు, ఇటలీ, ఇజ్రాయెల్ వంటి నగరాల్లో రాముడి పేరు మీద పట్టణాలే కాదు.. దాాదపు మూడు వేల ఏళ్ల పూర్వమే రామాయణంలోని గాథల చిత్రాలు, కార్వింగ్స్, విగ్రహాలు ఎందుకున్నాయి? పురాణాల ప్రకారం విష్ణుమూర్తికి ఉండే అవతారాలు అన్నిటిలోకీ.. రామావతారానికే పాపులారిటీ దక్కింది. రాముడికి సంబంధించిన చెక్కడాలు, విగ్రహాలు, నగరాల పేర్లు, మనుషుల పేర్లు చాలా చోట్ల కనిపిస్తున్నాయి. అయితే చారిత్రకంగా కొన్ని ఆధునిక మతాలు వ్యాప్తిలోకి వచ్చాక.. ప్రాచీన సంప్రదాయాలను, సంస్కృతులను ధ్వంసం చేసే ప్రయత్నం కొన్ని వందల ఏళ్లుగా జరుగుతోంది. అయితే ఈ మతాలన్నీ దాదాపుగా 2వేల సంవత్సరాలకు సంబంధించినవే. కానీ భారతీయ సనాతన ధర్మం వేలు, లక్షల ఏళ్ల క్రితానికి చెందినది. కాబట్టి హిందూ ధర్మం ఆనవాళ్లు ప్రపంచంలో ఎక్కడ చూసినా కనిపిస్తాయంటే అతిశయోక్తి కాదంటున్నారు చారిత్రక పరిశోధకులు.  విష్ణు అవతారాల్లో ఒకటైన నరసింహావతారానికి చెందిన భారీ కార్వింగ్ జర్మనీలో కనిపించింది. అది 40 వేల ఏళ్ల క్రితం చెక్కారని ఆర్కియాలాజికల్ నిపుణులు ధ్రువీకరించారు. అది అచ్

సంస్థాగత ఎన్నికలకు సిద్ధమవుతున్న 'వేదాస్'

కుల సంఘంలో ఎన్నికలు నిర్వహించి ఓ సరికొత్త సంప్రదాయానికి తెరతీసిన 'వేదాస్' (విశ్వకర్మ ఎంప్లాయీస్ అండ్ డెవలప్మెంట్ అసోసియేషన్) తన సంస్థాగత ఎన్నిక కోసం సమాయత్తమవుతోంది. ఇప్పటివరకు ఉన్న తాత్కాలిక కమిటీని రద్దు చేసి ఇకపై పూర్తిస్థాయి కమిటీని ఎన్నుకొనేందుకు వేదాస్ కార్యవర్గం తీర్మానం చేసిందని, అందులో భాగంగా ఆదివారం హైదరాబాద్ ఓల్డ్ బోయినపల్లిలోని వీరబ్రహ్మేంద్రస్వామి ఆలయంలో రాష్ట్ర స్థాయి ముఖ్య నేతలు, క్రియాశీల సభ్యుల సమావేశం జరిగిందని వేదాస్ ముఖ్యనాయకులు వి.నరసింహాచారి తెలిపారు. వేదాస్ పూర్తి స్థాయి కమిటీ కోసం ప్రజాస్వామ్య బద్ధంగా ఎన్నికలు నిర్వహించుకోవాలనే సభ్యుల తీర్మానాన్ని ఏకగ్రీవంగా ఆమోదించామని ఆయన చెప్పారు. ఫిబ్రవరి నుంచి ఏప్రిల్ లోపు రాష్ట్రస్థాయి, జిల్లా, మండల స్థాయి ఎన్నికలు జరుపుకొని కొత్త బాడీని ఎన్నుకుంటామన్నారు. ఎన్నికల నిర్వహణ కోసం పాత ఉమ్మడి జిల్లాకు ఒకరు చొప్పున బాధ్యులను ఎంపిక చేశామని.. రాష్ట్ర స్థాయి బాధ్యతలను సచ్చిదానందాచారితో పాటు సంతోష్ కుమార్ ఆచారి నిర్వహిస్తారని నరసింహాచారి చెప్పారు.  తాజా తీర్మానంతో ఇప్పటివరకు ఉన్న తాత్కాలిక కమిటీ రద్దయిపోయిందని, ఎలాంటి బాధ్యత