Skip to main content

ఆంధ్రాలో కాపులకు బీజేపీ ఎందుకు గాలం వేస్తోంది?


ఆంధ్రప్రదేశ్ లో సీఎం పదవిని కాపులు ఎందుకు అందుకోలేకపోతున్నారు? అంతటి సమర్ధులు లేరా? ఆర్థికంగా స్థితిమంతులు కారా? వంగవీటి రంగా, దాసరి నారాయణ రావు, కన్నా లక్ష్మీ నారాయణ, చిరంజీవి, ముద్రగడ పద్మనాభం సీఎం అయ్యే అర్హతలు ఉన్నా ఆ పదవిని ఎందుకు అందుకోలేకపోయారు. అయితే జనసేన అధినేత పవన్ కల్యాణ్ కాపు సామాజిక వర్గం నుంచి ఇపుడు సీఎం రేసులో ఉన్నట్లు రాజకీయ విశ్లేషకులు అంచనా వేస్తున్నారు. ఈ క్రమంలో ఆంధ్రాలో కాపులకు ఉన్న అడ్వాంటేజెస్ డిజాడ్వంటేజెస్ ఏమున్నాయో ఓసారి చూద్దాం. 



తెలుగు రాష్ట్రాల్లో సీఎం పదవి కాపులకు అందని ద్రాక్షలానే మిగిలింది. కాపు సామాజికవర్గం ఆంధ్రప్రదేశ్ రాజకీయాలను శాసించే స్థాయిలో ఉన్నా....సీఎం పదవిని మాత్రం అందుకోలేకపోవడంతో  వారు తీవ్ర నిరాశా నిస్ప్రుహలకు గురవతున్నారు. జాతీయ పార్టీలైన కాంగ్రెస్,  బీజేపీలలో కాంగ్రెస్ పార్టీ గతంలో దక్షిణాది రాష్ట్రాల్లో పాగా వేసి ఏకఛత్రాధిపత్యంగా ఏలింది. అయితే బీజేపీ మాత్రం దక్షిణాది రాష్ట్రాలలో తన ముద్ర వేయలేకపోతోంది. ప్రాంతీయ పార్టీల పొత్తులతో అరకొర సీట్లు సాధిస్తోంది. ఒక్క కర్ణాటకలోనే అధికారం దక్కించుకోగలిగింది. 2014 నుంచి ఉత్తరాదిలో తిరుగులేని శక్తిగా ఎదుగుతున్న బీజేపీ దక్షిణాదిలో పాగావేయలేకపోవడం ఆ పార్టీకి పెద్ద లోటుగా కనిపిస్తోంది. 



దక్షిణాది రాష్ట్రాలలో పలు పేర్లతో పిలుస్తున్న కాపు సామాజికవర్గం జనాభా దాదాపు 26 శాతం ఉన్నట్లు గా తెలుస్తోంది. ఉమ్మడి ఆంధ్రప్రదేశ్ లో కాంగ్రెస్ అంటే రెడ్ల పార్టీ లానే ఉండేది. రాష్ట్ర విభజన తరువాత రెడ్డి సామాజిక వర్గ ప్రాధాన్యం తెలంగాణ కాంగ్రెస్ కి పరిమిత మయింది. ఏపీలో రెడ్లందరూ వైసీపీకి జై కొట్టారు. దీంతో రెడ్లకు వైసీపీ, కమ్మ సామాజిక వర్గానికి టీడీపీలు ఉండగా ఉన్నాయి.  ఈ రెండు వర్గాలకు మీడియా అండదండలు పుష్కలంగా ఉన్నాయి.  అయితే కాపులకు ప్రాతినిథ్యం వహించేందుకు  పూర్తి స్థాయిలో పార్టీ లేకపోవడం ...అంతకు మించి మీడియా సపోర్ట్ కూడా లేకపోవడం వెలితిగా మారిందని జనసేన పార్టీ అధినేత పవన్ కల్యాణ్ బహిరంగంగానే అంటున్నారు. పార్టీ ఏదైనా కాపు నేతలు ప్రతి ప్రభుత్వంలోనూ మంత్రి పదవులు దక్కించుకుంటున్నారు. అయితే సీఎం పీఠం దక్కించుకునేందుకు కాపు నేతలు చేసిన ప్రయత్నాలు ఇప్పటి వరకు ఫలించలేదనే చెప్పాలి. 



కాపులకు ఐక్యత లేకపోవడం వల్లే రాష్ట్రంలో ఉన్నత పదవులు పొందలేకపోతున్నారని విమర్శలు ఉన్నాయి. కాపు సామాజిక వర్గంలో ఆర్థికంగా స్థితిమంతులైన నేతలను వేళ్లమీద లెక్కపెట్టవచ్చు. కాపు సామాజిక వర్గంలో ఉన్న సినీనటులు తమకున్న ప్రజాదరణను ఓటు బ్యాంకు గా మలచుకోవడంలో విఫలమయ్యారని కూడా విమర్శలు వెల్లువెత్తాయి. టీడీపీ, కాంగ్రెస్ ప్రభుత్వాలలో తమకు దక్కిన మంత్రి పదవులతో సంత్రుప్తి చెందడం కూడా సీఎం పీఠం దాకా చేరుకోకపోవడానికి కారణాలుగా తెలుస్తోంది. 



ఇటీవలి కాలంలో సోషల్ మీడియా ద్వారా కాపులకు యూనిటీ రావడం ప్రస్తుతం కొంత కలిసొచ్చే అంశంగా కనిపిస్తోంది. గతంలో కాంగ్రెస్ హయాంలో సీఎం పీఠాన్ని కన్నా లక్ష్మీ నారాయణ త్రుటిలో చేజార్చుకున్నారు. ఇపుడు కన్నా బీజేపీ అధ్యక్షుడిగా  ఉండటం, సోము వీర్రాజు లాంటి నేతలు అయనకు బీజేపీ దన్నుగా నిలవడంతో కాపులకు సీఎం పీఠం దక్కించుకునే అవకాశాలు మెండుగా కనిపిస్తున్నాయి. గతంలో కాపు సామాజికవర్గానికి చెందిన పలువురు ప్రముఖులు సీఎం పీఠం దాకా వచ్చినా సినీరంగంలో తనదైన ముద్ర వేసిన దాసరి నారాయణరావు కేంద్ర మంత్రిగా పనిచేశారు. రాష్ట్రంలో ఆయనకు మంచి ఫాలోయింగ్ ఉన్నా సీఎం అయ్యేందుకు పరిస్థితులు అంతగా అనుకూలించలేదనే చెప్పాలి. ప్రజారాజ్యం పేరుతో పార్టీ స్థాపించిన సినీ నటుడు చిరంజీవి కూడా తనకున్న ప్రజాదరణను ఓట్లగా మలుచుకోవడంలో విఫలమయ్యారు. దీంతో ప్రజారాజ్యాన్ని కాంగ్రెస్ లో విలీనం చేశారు. ఉభయ గోదావరి జిల్లాల్లో గతంలో ఫైర్ బ్రాండ్ గా పేరున్న ...కాపు సామాజిక వర్గానికి పెద్దాయనలా వ్యవహరిస్తున్న ముద్రగడ పద్మనాభం..ఇటీవలి ఎన్నికల తరువాత పూర్తిగా సైలెంట్ అయిపోయారు.  



బీజేపీ దక్షిణాదిలో పాగా వేయడానికి అన్ని రాష్ట్రాలలోని కాపు సామాజిక వర్గాన్ని చేరదీస్తున్నట్లు తెలుస్తోంది. బీజేపీ బలపడేందుకు భారీ కసరత్తు చేస్తోంది. ఇటీవల కర్ణాటకలో బీజేపీ బెంగళూరు సెంట్రల్ ఎంపీ పీసీ మోహన్ రెండు లక్షల బలిజ సామాజిక వర్గానికి చెందిన నేతలతో సమావేశం నిర్వహించడం మీటింగ్ పెట్టడం దీనికి ఆంధ్ర, తెలంగాణ, తమిళనాడు, మహారాష్ట్ర ల నుంచి వందల సంఖ్యలో కాపు సామాజిక వర్గానికి చెందిన ప్రముఖులు హాజరు కావడం ప్రాధాన్యతను సంతరించుకుంది. 



ఈ సమీకరణాల్ని ద్రుష్టిలో పెట్టుకుని ఏపీలో బీజేపీ భారీ స్కెచ్ కి వేస్తున్నట్లు విశ్వసనీయ వర్గాల సమాచారం బట్టి తెలుస్తోంది. చిరంజీవికి అత్యంత ఆప్తుడిగా పేరున్న గంటా శ్రీనివాసరావు త్వరలో బీజేపీ తీర్థం పుచ్చుకోనున్నట్లు దాదాపు ఖాయమైపోయింది. గంటాతోపాటు అన్ని పార్టీలలోని కాపు నేతలను కూడా బీజేపీలోకి తెచ్చేందుకు తెరవెనుక ప్రయత్నాలు ముమ్మరంగా సాగుతున్నట్లు ప్రచారం సాగుతోంది. చిరంజీవిని బీజేపీలోకి ఆహ్వానించి ముఖ్యమంత్రి అభ్యర్థిగా ప్రకటిస్తారని ఊహాగానాలు బలంగా వినిపిస్తున్నాయి. ఈ నేపథ్యంలోనే సైరా సినిమా ప్రమోషన్ అంటూ చిరంజీవి ఢిల్లీలో బీజేపీ పెద్దలతో సమావేశమయ్యారని సమాచారం. అన్నయ్య సీఎం అయ్యేందుకు తమ్ముడు పవన్ కల్యాణ్ జనసేన అండదండలు ఖచ్చితంగా ఉంటాయని బీజేపీ విశ్వసిస్తోంది. మరోవైపు అమిత్ షా ప్రధాని నరేంద్ర మోడీలతో  పవన్ కు సన్నిహిత సంబంధాలు ఉండనే ఉన్నాయి. ఈ నేపథ్యంలో రాబోయే ఎన్నికల్లో కాపు వర్గానికి చెందిన వారు సీఎం అయ్యే అవకాశాలు పుష్కలంగా కనిపిస్తున్నాయని రాజకీయ విశ్లేషకులు అభిప్రాయపడుతున్నారు.  
 

దక్షిణాదిలో పాగా వేయాలనుకుంటున్న బీజేపీ ఆచి తూచి అడుగులు వేస్తోంది. ప్రజల్లో అత్యంత ప్రజాదరణ ఉన్న నేతలకు గాలం వేయడం ద్వారా వచ్చే ఎన్నికల నాటికి ప్రబల శక్తిగా అవతరించాలని బీజేపీ భావిస్తోంది. మరి బీజేపీలో తిరుగులేని వ్యూహకర్తలుగా పేరొందిన మోడీ అమిత్ షాల ద్వయం అనుసరిస్తున్న వ్యూహం ఏపీలో బీజేపీకి ఓట్ల వర్షం కురిపిస్తుందో లేదో వేచి చూడాల్సిందే. 


 


Comments

Popular posts from this blog

తాటికొండ సుదర్శనం స్మారక చలివేంద్రం ప్రారంభం

కమాన్ పూర్, ఏఫ్రిల్ 12: పెద్దపల్లి జిల్లా కమాన్ పూర్ మండల కేంద్రంలో స్వర్గీయ తాటికొండ సుదర్శనంగారి స్మారక చలివేంద్రాన్ని ఏర్పాటు చేశారు. ఈ చలివేంద్రాన్ని స్థానిక ఛత్రపతి శివాజీ యువసేనవారు నిర్వహిస్తున్నారు. కమాన్ పూర్ లో గల స్టేట్ బ్యాంక్ ఆఫ్ హైదరాబాద్ మేనేజర్ బి.వెంకటేశ్వర్లు చేతులమీదుగా చలివేంద్రం ప్రారంభమైంది. వేసవిలో బ్యాంకు పని మీద వచ్చేవారితో పాటు.. మెయిన్ రోడ్డు గుండా వెళ్లే వందలాది మంది బాటసారులకు, వాహనదారులకు ఈ చలివేంద్రం ప్రతి వేసవిలోనూ ఎంతో ఉపయోగపడుతుందని.. దీన్ని సద్వినియోగం చేసుకోవాలని మేనేజర్ వెంకటేశ్వర్లు ప్రజలను కోరారు. ఈ చలివేంద్రంలో ప్రతి రోజూ మధ్యాహ్నం అంబలి పంపిణి చేస్తారని, ప్రజలు ఈ సౌకర్యాన్ని సద్వినియోగం చేసుకోవాలని నిర్వాహకులు తెలిపారు.  తాటికొండ సుదర్శనంగారు 2019, ఫిబ్రవరి 14న పరమపదించారు. ఆయన జ్ఞాపకార్థం వారి శ్రీమతి చంద్రకళ, కుమారులు రమేశ్ బాబు, నాగభూషణాచారి, వీరాచారి పూనుకొని ప్రతి వేసవిలోనూ ప్రజలకు చల్లని మంచినీళ్లు అందించాలన్న ఉద్దేశంతో ఫ్రిజ్ ను సమకూర్చారు. వారి కార్యక్రమానికి కొనసాగింపుగా గ్రామంలోని ఛత్రపతి శివాజీ యువసేనవారు చలివేంద్రం నిర్వహించేందుకు ము

రోమ్ నగరానికి శ్రీరామనవమి రోజే బొడ్రాయి వేశారా?

ఇటలీ రాజధాని రోమ్ నగరానికి శ్రీరామ నవమి రోజే శంకుస్థాపన చేశారా? ఇటలీ భాషలో రోమ్ అంటే రాముడనే అర్థమా? ఈజిప్టు, ఇటలీ, ఇజ్రాయెల్ వంటి నగరాల్లో రాముడి పేరు మీద పట్టణాలే కాదు.. దాాదపు మూడు వేల ఏళ్ల పూర్వమే రామాయణంలోని గాథల చిత్రాలు, కార్వింగ్స్, విగ్రహాలు ఎందుకున్నాయి? పురాణాల ప్రకారం విష్ణుమూర్తికి ఉండే అవతారాలు అన్నిటిలోకీ.. రామావతారానికే పాపులారిటీ దక్కింది. రాముడికి సంబంధించిన చెక్కడాలు, విగ్రహాలు, నగరాల పేర్లు, మనుషుల పేర్లు చాలా చోట్ల కనిపిస్తున్నాయి. అయితే చారిత్రకంగా కొన్ని ఆధునిక మతాలు వ్యాప్తిలోకి వచ్చాక.. ప్రాచీన సంప్రదాయాలను, సంస్కృతులను ధ్వంసం చేసే ప్రయత్నం కొన్ని వందల ఏళ్లుగా జరుగుతోంది. అయితే ఈ మతాలన్నీ దాదాపుగా 2వేల సంవత్సరాలకు సంబంధించినవే. కానీ భారతీయ సనాతన ధర్మం వేలు, లక్షల ఏళ్ల క్రితానికి చెందినది. కాబట్టి హిందూ ధర్మం ఆనవాళ్లు ప్రపంచంలో ఎక్కడ చూసినా కనిపిస్తాయంటే అతిశయోక్తి కాదంటున్నారు చారిత్రక పరిశోధకులు.  విష్ణు అవతారాల్లో ఒకటైన నరసింహావతారానికి చెందిన భారీ కార్వింగ్ జర్మనీలో కనిపించింది. అది 40 వేల ఏళ్ల క్రితం చెక్కారని ఆర్కియాలాజికల్ నిపుణులు ధ్రువీకరించారు. అది అచ్

సంస్థాగత ఎన్నికలకు సిద్ధమవుతున్న 'వేదాస్'

కుల సంఘంలో ఎన్నికలు నిర్వహించి ఓ సరికొత్త సంప్రదాయానికి తెరతీసిన 'వేదాస్' (విశ్వకర్మ ఎంప్లాయీస్ అండ్ డెవలప్మెంట్ అసోసియేషన్) తన సంస్థాగత ఎన్నిక కోసం సమాయత్తమవుతోంది. ఇప్పటివరకు ఉన్న తాత్కాలిక కమిటీని రద్దు చేసి ఇకపై పూర్తిస్థాయి కమిటీని ఎన్నుకొనేందుకు వేదాస్ కార్యవర్గం తీర్మానం చేసిందని, అందులో భాగంగా ఆదివారం హైదరాబాద్ ఓల్డ్ బోయినపల్లిలోని వీరబ్రహ్మేంద్రస్వామి ఆలయంలో రాష్ట్ర స్థాయి ముఖ్య నేతలు, క్రియాశీల సభ్యుల సమావేశం జరిగిందని వేదాస్ ముఖ్యనాయకులు వి.నరసింహాచారి తెలిపారు. వేదాస్ పూర్తి స్థాయి కమిటీ కోసం ప్రజాస్వామ్య బద్ధంగా ఎన్నికలు నిర్వహించుకోవాలనే సభ్యుల తీర్మానాన్ని ఏకగ్రీవంగా ఆమోదించామని ఆయన చెప్పారు. ఫిబ్రవరి నుంచి ఏప్రిల్ లోపు రాష్ట్రస్థాయి, జిల్లా, మండల స్థాయి ఎన్నికలు జరుపుకొని కొత్త బాడీని ఎన్నుకుంటామన్నారు. ఎన్నికల నిర్వహణ కోసం పాత ఉమ్మడి జిల్లాకు ఒకరు చొప్పున బాధ్యులను ఎంపిక చేశామని.. రాష్ట్ర స్థాయి బాధ్యతలను సచ్చిదానందాచారితో పాటు సంతోష్ కుమార్ ఆచారి నిర్వహిస్తారని నరసింహాచారి చెప్పారు.  తాజా తీర్మానంతో ఇప్పటివరకు ఉన్న తాత్కాలిక కమిటీ రద్దయిపోయిందని, ఎలాంటి బాధ్యత